ଚୌଦ୍ୱାର: ଚୌଦ୍ୱାର ଥାନା ଅନ୍ତର୍ଗତ ନୂଆପାଟଣା ଗ୍ରାମ ନିକଟରେ ମହାନଦୀରେ ବୁଡ଼ି ଗ୍ରାମର ତଇର୍ ମହମ୍ମଦଙ୍କ ପୁଅ ଆଜମଲ୍(୧୦ବର୍ଷ)ଙ୍କ ମୃତ୍ୟୁ ଘଟିଛି। ଶନିବାର ମଧ୍ୟାହ୍ନରେ ଆଜମଲ୍ ଓ ଗ୍ରାମର କିଛି ଲୋକ ଏବଂ ପିଲା ଗ୍ରାମ ନିକଟ ମହାନଦୀ ଘାଟରେ ଗାଧୋଉଥିବା ବେଳେ ନଦୀ ତଳ ଚୋରା ବାଲିରେ ଗୋଡ଼ ଖସି ଯିବାରୁ ସେ ପାଣିରେ ବୁଡ଼ି ଯାଇଥିଲା। ନଦୀ ଘାଟରେ ଥିବା ଲୋକମାନେ ଆଜମଲକୁ ବହୁତ ଖୋଜାଖୋଜି କରି ମଧ୍ୟ ପାଇ ନଥିଲେ। ଖବରପାଇ ଚୌଦ୍ୱାର ଆଇଆଇସି ବିରଞ୍ଚି ନାରାୟଣ ପତି ଘଟଣାସ୍ଥଳରେ ପହଞ୍ଚି ଚୌଦ୍ୱାର ଅଗ୍ନିଶମ ବିଭାଗକୁ ଖବର ଦେଇଥିଲେ। ଅଗ୍ନିଶମ କର୍ମଚାରୀମାନେ ନଦୀ ଭିତରେ ଦୀର୍ଘ ୨ଘଣ୍ଟା କାଳ ଖୋଜାଖୋଜି ପରେ ଆଜମଲର ଶବକୁ ଉଦ୍ଧାର କରିଥିଲେ। ପୁଲିସ ଶବକୁ ବ୍ୟବଚ୍ଛେଦ ପାଇଁ କଟକ ବଡ଼ ଡାକ୍ତରଖାନାକୁ ପଠାଇଛନ୍ତି। ଆଜମଲର ଅକାଳ ମୃତ୍ୟୁରେ ନୂଆପାଟଣା ଗ୍ରାମରେ ଶୋକର ଛାୟା ଖେଳି ଯାଇଛି।
Comments are closed.