ବୌଦ୍ଧ: ବୌଦ୍ଧଜିଲ୍ଲା ହରଭଙ୍ଗା ଥାନା ଭାବପୁର ଗ୍ରାମର ଜଣେ ମହିଳାଙ୍କୁ ହରଭଙ୍ଗା ଥାନା ଅଧିକାରୀ ମାଡ ମାରିବା ସହିତ ଦୁର୍ବ୍ୟବହାର କରିଥିବା ନେଇ ମହିଳା ଜଣକ ଆଜି ବୌଦ୍ଧ ଆରକ୍ଷୀଅଧିକ୍ଷକଙ୍କ ନିକଟରେ ଅଭିଯୋଗ କରିଥିବା ଜଣାପଡିଛି । ସୂଚନା ଅନୁଯାୟୀ, ଉକ୍ତ ମହିଳା ଓ ତାଙ୍କ ଝିଅ ଗତ ମାସ ୩୦ ତାରିଖରେ ଗାଧୋଇବାକୁ ଯାଇଥିବା ବେଳେ ଚୁମୀ ରାଉତ ସହଯୋଗରେ ସୁଶାନ୍ତ ଧଳ ସେମାନଙ୍କୁ ଅସଦାଚରଣ କରିଥିଲା । ଏନେଇ ମହିଳା ଜଣକ ହରଭଙ୍ଗା ଥାନାରେ ଜଣାଇବା ପରେ ହରଭଙ୍ଗା ଥାନା ଅଧିକାରୀ ସାଙ୍ଗେ ସଙ୍ଗେ ଉକ୍ତ ଗ୍ରାମକୁ ଯାଇ ସେ ଦୁଇ ଜଣଙ୍କୁ ଥାନାକୁ ଆଣିଥିଲେ ।
ଥାନାରୁ ଅଭିଯୁକ୍ତମାନଙ୍କୁ ପ୍ରାୟ ଏକଘଣ୍ଟା ପରେ ଛାଡି ଦିଆଯାଇଥିଲା ଏବଂ ମହିଳାଙ୍କୁ ରାତି ୧୦ଟା ପର୍ଯ୍ୟନ୍ତ ଅଟକ ରଖିଥିଲେ । ମହିଳା ଜଣକ ସେମାନଙ୍କୁ କାହିଁକି ଛାଡିଦେଲେ ବୋଲି ପଚାରିବାରୁ ଥାନା ଅଧିକାରୀ ତାଙ୍କୁ ଟଙ୍କା ମାଗିଥିଲେ । ମହିଳା ଜଣକ ନ୍ୟାୟ ପାଇଁ ଥାନାକୁ ଆସିଛୁବୋଲି କହିଥିଲେ । ଆପଣ ଟଙ୍କା ମାଗୁଛନ୍ତି ବୋଲି ପଚାରିବାରୁ ଥାନା ଅଧିକାରୀ ମହିଳାଙ୍କୁ ମାଡ ମାରିବା ସହିତ ଜାତି ଆଣ ଆକ୍ଷେପ କରି ଦୁର୍ବ୍ୟବହାର କରିଥିବା ମହିଳା ଜଣକ ଆରକ୍ଷୀଅଧିକ୍ଷକଙ୍କ ନିକଟରେ ଅଭିଯୋଗ କରିଛନ୍ତି । ଏବଂ ଥାନା ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହିତ ଦୁଇ ଅଭିଯୁକ୍ତମାନଙ୍କୁ ଗିରଫ କରିବାକୁ ସେ ଏସପିଙ୍କ ଠାରେ ଅଭିଯୋଗ କରିଛନ୍ତି ।
