ଭୁବନେଶ୍ବର : ରାଜ୍ୟରେ ଘରୋଇ ବସ ଚାଲିବା ନେଇ ଶନିବାର ପରିବହନ ବିଭାଗ ଅଧିକାରୀ, ମନ୍ତ୍ରୀ, ମୁଖ୍ୟ ଶାସନ ସଚିବ ଓ କରୋନା ସମନ୍ୱୟ କମିଟିର ବୈଠକ ଅନୁଷ୍ଠିତ ହେବ। ଏଠି ନିଷ୍ପତ୍ତି ହେବା ପରେ ଖୁବ ଶୀଘ୍ର ଘରୋଇ ବସ ସଂଘ ସହ ଆଲୋଚନା ହେବ । ଲୋକ ଯେପରି ହଇରାଣ ନ ହୁଅନ୍ତି, ଠିକ ଭାବେ ଯିବାଆସିବା କରି ପାରିବେ, ସେ ନେଇ ବସ ଚାଲିବା ଦରକାର ବୋଲି ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା କହିଛନ୍ତି ।
ଅନ୍ୟପକ୍ଷରେ ସାରା ଦେଶରେ ୨ଟି ରାଜ୍ୟକୁ ଛାଡ଼ି କେହି ବସ ଚଲାଇ ନାହାନ୍ତି । ଆମର ପ୍ରବାସୀ ଶ୍ରମିକ ଓଏସଆରଟିସି ଓ କିଛି ଘରୋଇ ବସରେ ଆସୁଛନ୍ତି । ଓଏସଆରଟିସିର ମାତ୍ର ୪୦୦ରୁ ୫୦୦ ବସ୍ ଅଛି । ବସ ଚାଲିବା ନେଇ କେନ୍ଦ୍ର ସରକାର ରାଜ୍ୟ ଗୁଡିକୁ ନିଷ୍ପତ୍ତି ନେବାକୁ କହିଛନ୍ତି ।
ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ୫.୫ କୋଟି ଟଙ୍କା ଖୁବ ଶୀଘ୍ର ପୂର୍ବତଟ ରେଳବାଇ ପାଖରେ ପୈଠ କରାଯିବ ଯେଉଁଥିରେ ଟ୍ରେନ ଯୋଗେ ଶ୍ରମିକ ଓଡ଼ିଶା ଆସିବେ। ସେଥିରୁ ସେମାନଙ୍କ ଟିକେଟ ବାବଦରେ ଅର୍ଥ କଟା ହେବ ବୋଲି ସେ କହିଛନ୍ତି ।
ପଶ୍ଚିମବଙ୍ଗର କ୍ଷତି ଓଡ଼ିଶା ତୁଳନାରେ ଅଧିକ କ୍ଷତି ହୋଇଛି । ଆମକୁ ୫୦୦ କୋଟି ମିଳିଛି । ପ୍ରଧାନମନ୍ତ୍ରୀ କହିଛନ୍ତି ରିପୋର୍ଟ ଦେବା ପରେ ଆହୁରି ଦେବେ। ତେଣୁ ସରକାର ଖୁବ୍ ଶୀଘ୍ର ରିପୋର୍ଟ ପ୍ରସ୍ତୁତ କରିବାକୁ ନିର୍ଦେଶ ଦେଇଛନ୍ତି।
