ପ୍ରୟାଗରାଜ: ଗ୍ୟାଙ୍ଗଷ୍ଟର ଅତିକ ଅହମଦ ଓ ଅଶରଫ ହତ୍ୟାକାଣ୍ଡ ପରେ ପ୍ରୟାଗରାଜରୁ ଆଉ ଏକ ସମ୍ବେଦନଶୀଳ ଖବର ସାମ୍ନାକୁ ଆସିଛି। ଅତିକର ଓକିଲମାନଙ୍କ ମଧ୍ୟରୁ ଜଣଙ୍କ ଘର ପାଖରେ ମଙ୍ଗଳବାର ବୋମା ମାଡ଼ ହୋଇଛି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଦେଖାଦେଇଛି। କୁହାଯାଉଛି ଯେ, ଆତଙ୍କ ଖେଳାଇବା ଉଦ୍ଦେଶ୍ୟରେ ଏହି ବୋମା ଫିଙ୍ଗାଯାଇଛି, ଯେଉଁଥିରେ ମୃତାହତର କୌଣସି ଖବର ନାହିଁ। କର୍ନଲଗଞ୍ଜ ପୁଲିସ ଘଟଣାର ତଦନ୍ତ କରୁଛି।
ସୂଚନା ଅନୁସାରେ, ଉତ୍ତରପ୍ରଦେଶ ପ୍ରୟାଗରାଜର କଟରା ଗୋବର ଗଳିରେ ଏକ ଦେଶୀ ବୋମା ଫିଙ୍ଗା ଯାଇଛି। ଏହି ଗଳିରେ ଗ୍ୟାଙ୍ଗଷ୍ଟାର ଅତିକ ଅହମଦର ଓକିଲ ଦୟାଶଙ୍କର ମିଶ୍ରାଙ୍କ ଘର ରହିଛି। ଅପରପକ୍ଷେ, କର୍ନଲଗଞ୍ଜ ଥାନା ଏସଏଚଓ ରାମ ମୋହନ ରାୟ କହିଛନ୍ତି ଯେ, ଅତିକଙ୍କ ଓକିଲ ଦୟାଶଙ୍କର ମିଶ୍ରା ଟାର୍ଗେଟରେ ନଥିଲେ। ଏହି ଘଟଣା ଦୁଇ ଯୁବକଙ୍କ ମଧ୍ୟରେ ଶତ୍ରୁତାକୁ ନେଇ ଘଟିଛି। ତେବେ ଭୟ ଏବଂ ଆତଙ୍କ ସୃଷ୍ଟି କରିବା ପାଇଁ ତାଙ୍କ ଘର ପାଖରେ ବୋମା ପକାଯାଇଛି ବୋଲି ଓକିଲ ଦୟାଶଙ୍କର ମିଶ୍ରା ଦୃଢୋକ୍ତି ପ୍ରକାଶ କରିଛନ୍ତି।
Comments are closed.