ବଲାଙ୍ଗିର: ବଲାଙ୍ଗିର ଠିକାଦାରପଡ଼ାରେ ରହୁଥିବା ବିଘ୍ନରାଜ ସାହୁ ମଙ୍ଗଳବାର ସହରାଞ୍ଚଳ ଥାନାରେ ଚୋରି ହୋଇଥିବାନେଇ ଅଭିଯୋଗ କରିଥିଲେ । ଶ୍ରୀ ସାହୁଙ୍କ ଅଭିଯୋଗ ଅନୁସାରେ, ସୋମବାର ରାତିରେ ତାଙ୍କ ପରିବାରଲୋକ ଘରେ ଶୋଇଥିଲେ । ଘରକୁ ଲାଗି ୨ଟି ଦୋକାନ ରହିଛି । ରାତିରେ ୩/୪ଜଣ ଚୋର ଷ୍ଟଲର ତାଲା ଭାଙ୍ଗି ୫ଟି ଶାଢି, ୨୫ଟି ବ୍ଲାଉଜ୍, ସାବୁନ, ତେଲ, ପ୍ରସାଧନ ସାମଗ୍ରୀ (ଅନୁମାନିକ ୨୦ହଜାରରୁ ଊର୍ଦ୍ଧ୍ଵ ଟଙ୍କା) ଚୋରି କରି ନେଇଥିଲେ । ରବି ନାଏକ ନାମକ ଜଣେ ଚୋରକୁ ସେମାନେ ଥାନାରେ ଜିମା ଦେଇଥିଲେ । ପୁଲିସ ମାମଲା ରୁଜୁ କରି ଛାନଭିନ ଚଳାଇଥିଲା । ଅଟକ ରବି ଓରଫ ଗୋବିନ୍ଦଙ୍କଠାରୁ ଅଧିକାଂଶ ଚୋରୀ ସାମଗ୍ରୀ ଜବତ କରିବା ସହ ସହରାଞ୍ଚଳ ପୁଲିସ କୋର୍ଟ ଚାଲାଣ କରିଛି ।
Popular Categories
Previous article
Next article