୮୩ ଦିନ ପରେ ଖୋଲିଲା ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟ

ବଲାଙ୍ଗୀର: ଦୀର୍ଘ ୮୩ ଦିନ ପରେ ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟ ଖୋଲିଛି। ପୂର୍ବରୁ ବନ୍ଦ ଥିବା ଅନ୍ୟ କେତେକ କାର୍ଯ୍ୟାଳୟ ମଧ୍ୟ ଖୋଲିଛି। ହାଇକୋର୍ଟ ସ୍ଥାୟୀ ବେଞ୍ଚ୍‍ ପୁନଃ ପ୍ରତିଷ୍ଠା ଦାବି ନେଇ ଚାଲିଥିବା ଆନ୍ଦୋଳନ ପରିପ୍ରେକ୍ଷୀରେ କ୍ରିୟାନୁଷ୍ଠାନ କମିଟି ଓ ଜିଲ୍ଲା ଓକିଲ ସଂଘ ପକ୍ଷରୁ କାର୍ଯ୍ୟାଳୟଗୁଡି଼କରେ ଧାରଣାଦେବାରୁ ତାହା ବନ୍ଦ ରହିଥିଲା। ଜିଲ୍ଲା ଓକିଲ ସଂଘର ନିଷ୍ପତ୍ତିକ୍ରମେ କାର୍ଯ୍ୟାଳୟଗୁଡ଼ିକ ଖୋଲାରହିଥିଲେ ମଧ୍ୟ କୋର୍ଟ ସଂପର୍କିତ କୌଣସି କାର୍ଯ୍ୟରେ ଓକିଲମାନେ ଯୋଗଦେବେ ନାହିଁ ବୋଲି ସଂଘର ସଭାପତି ଅଶୋକ କୁମାର ମହାନ୍ତି କହିଛନ୍ତି।