ବୋଲଗଡ : ବୋଲଗଡ ବ୍ଲକ ସଦର ମହକୁମା ୧୫ ନମ୍ବର ୱାର୍ଡ ତଥା ଗଡଭିତରସାହିର ଦୁଃଖିଶ୍ୟାମ ବୈରିଗଞ୍ଜନଙ୍କ ପୁଅ ନରେଶ ବୈରିଗଞ୍ଜନ(୧୭) କୌଣସି ଏକ ଅଜଣା ରୋଗରେ ପୀଡିତ ହୋଇ ଅତି ଦୟନୀୟ ଦିନ ବିତାଉଛନ୍ତି। ନରେଶର ବାପା ମଧ୍ୟ ଜଣେ ଦିବ୍ୟାଙ୍କ ବ୍ୟକ୍ତି ହୋଇ ମଧ୍ୟ ଦିନ ମଜୁରିଆ ଭାବେ କାର୍ଯ୍ୟ କରନ୍ତି। ପୁଅର ରୋଗକୁ ଭଲ କରିବା ପାଇଁ କଟକ ବଡ ଡାକ୍ତରଖାନାକୁ ଦୌଡି ଦୌଡି ଖର୍ଚ୍ଚାନ୍ତ ହେବା ପରେ କୌଣସି ସୁଫଳ ନ ମିଳିନାହଁ। ଏପଟେ ଆର୍ଥିକ ସମ୍ବଳର ଘୋର ଅଭାବ ହେତୁ ଡାକ୍ତରଙ୍କୁ ଦେଖାଇ ଅଧିକ ଚିକିତ୍ସା କରିବାକୁ ସେ ସମ୍ପୂର୍ଣ୍ଣ ଅସମର୍ଥ। ବ୍ଲକ ପ୍ରଶାସନ ତରଫରୁ ମାସିକ ଭତ୍ତା ମାତ୍ର ୭ଶହ ଟଙ୍କା ଦିଆଯାଉଥିବା ବେଳେ ବଞ୍ଚିବା ପାଇଁ ଚାଉଳ ଗଣ୍ଡାଏ ମିଳୁନାହିଁ। ଡାକ୍ତରଖାନରେ ଚିକିତ୍ସା କରାଇବାକୁ ସ୍ଥାନୀୟ ପ୍ରଶାସନ କୌଣସି ପ୍ରକାରର ବ୍ୟବସ୍ଥା ନକରିବା ଦୁଃଖ ଓ ପରିତାପର ବିଷୟ। ନରେଶର ଏମିତି ଅବସ୍ଥା ଯେ ସେ ଠିକ୍ ସେ କୌଣସି କଥା କହିପାରୁନାହିଁ କିମ୍ବା ସଠିକ୍ ଭାବେ ଚାଲିପାରୁନାହିଁ। ଯଦିବା ଚାଲିବାକୁ ଚେଷ୍ଟା କରୁଛି ତେବେ କଚାଡି ହୋଇ ତଳେ ପଡୁଛନ୍ତି। ଯାହା ଜଣେ ସ୍ୱଚକ୍ଷ୍ୟୁରେ ନଦେଖିଲେ ବିଶ୍ୱାସ କରିପାରିବ ନାହିଁ। ତେଣୁ ଜିଲ୍ଲା ପ୍ରଶାସନ ଦିବ୍ୟାଙ୍ଗ ନରେଶକୁ ଉପଯୁକ୍ତ ଚିକିତ୍ସା ସହିତ ତାର ମୌଳିକ ବ୍ୟବସ୍ଥା କରିବାକୁ ବୋଲଗଡ ଅଞ୍ଚଳର ବୁଦ୍ଧିଜୀବୀ ମହଲରେ ଆଶା ପ୍ରକଟ କରିଛନ୍ତି।
Comments are closed.