ନର୍ଲା: କଳାହାଣ୍ଡି ଜିଲା ନର୍ଲା ବ୍ଲକ ରୁପ୍ରା ଗ୍ରାମର ସୁନାମଧନ୍ୟ ପର୍ବତାରୋହୀ ଯୋଗବ୍ୟାସ ଭୋଇଙ୍କୁ ମରଣାନ୍ତକ ଆକ୍ରମଣ ହୋଇଛି। ଏହି ଘଟଣାରେ ୩ ଅଭିଯୁକ୍ତ ଗିରଫ ହୋଇଥିବା ଜଣାପଡିଛି। ଏଭେରେଷ୍ଟ ଆରୋହୀ ଯୋଗବ୍ୟାସ ରବିବାର ସନ୍ଧ୍ୟାରେ କୌଣସି କାମକୁ ନେଇ ଧଅଁରାମାଲ ଗାଁକୁ ଯାଇଥିଲେ। ସେଠାରେ ତାଙ୍କୁ ଆକ୍ରମଣ ହୋଇଥିଲା।
୨୦୧୭ ମସିହାରେ ଯୋଗବ୍ୟାସଙ୍କ ଦଳରେ ସାମିଲ ହୋଇ ଧଅଁରମାଲ ଗାଁର ବଳଦେବ ଭୋଇଙ୍କ ପୁଅ ଲାଲୁପ୍ରସାଦ ଭୋଇ ମୋନାଲୀ ପାହାଡ ଚଢିବା ପାଇଁ ଯାଇ ମୃତ୍ୟୁବରଣ କରିଥିଲା। ଏହାକୁ ନେଇ ବଳଦେବ ଅସନ୍ତୁଷ୍ଟ ରହିବା ସହ ଶ୍ରୀ ଭୋଇଙ୍କୁ ଦାୟୀ କରି ପ୍ରତିଶୋଧର ନିଆଁରେ ଜଳୁଥିଲେ। ସୁଯୋଗ ପାଇ ଗତକାଲି ବଳଦେବଙ୍କ ସପରିବାର ଶ୍ରୀ ଭୋଇଙ୍କ ଉପରେ ଆକ୍ରମଣ କରିଥିଲେ। ଖବର ପାଇ ଶ୍ରୀ ଭୋଇଙ୍କ ଦୁଇଭାଇ ଘଟଣାସ୍ଥଳରେ ପହଞ୍ଚି ଉଦ୍ଧାର କରିବା ପାଇଁ ଚେଷ୍ଟା କରିଥିଲେ ହେଁ ପାଲଟା ସେମାନଙ୍କ ଉପରେ ଆକ୍ରମଣ ହୋଇଥିବା ଅଭିଯୋଗ ହୋଇଛି। ଏ ସଂକ୍ରାନ୍ତରେ ପଲମ ଫାଣ୍ଡିରେ ଅଭିଯୋଗ ହେବା ପରେ ପୁଲିସ ଅଭିଯୁକ୍ତ ବଳଦେବ ଭୋଇ, ଉପେନ୍ଦ୍ର ଭୋଇ ଓ ବିିବେକ ଭୋଇଙ୍କ ବିପକ୍ଷରେ କେସ ନଂ୨୧୮/୨୦୨୦ ତା.୨୮-୯-୨୦ରେ ମାମଲା ଋଜୁ କରି ଗିରଫ କରିଥିବା ପଲମ ଫାଣ୍ଡିରୁ ସୂଚନା ମିଳିଛି। ଏହି ଘଟଣାକୁ ସମଗ୍ର ଜିଲାର ବିଭିନ୍ନ ମହଲରେ ତୀବ୍ର ନିନ୍ଦା କରାଯିବା ସହ ଦୋଷୀଙ୍କୁ କଠୋର ଦଣ୍ଡରେ ଦଣ୍ଡିତ କରିବା ପାଇଁ ଦାବି ହୋଇଛି।
