ସମାଜ ଡିଜିଟାଲ ଡେସ୍କ: ଅଭିନେତା ବବି ଦେଓଲ ସୋମବାର ତାଙ୍କ ୫୬ତମ ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ତାଙ୍କ ପ୍ରଶଂସକଙ୍କୁ ମିଳିଛି ବଡ଼ ଉପହାର। ପବନ କଲ୍ୟାଣ ଅଭିନୀତ ‘ହରି ହର ବୀରା ମଲ୍ଲୁ’ର ନିର୍ମାତା ବବିଙ୍କ ଜନ୍ମଦିନ ଅବସରରେ ତାଙ୍କର ଏକ ସ୍ବତନ୍ତ୍ର ଜନ୍ମଦିନ ପୋଷ୍ଟର ଶେୟାର କରିଛନ୍ତି। ଏହି ଚଳଚ୍ଚିତ୍ରରେ ବବି ଦେଓଲ ଖଳନାୟକ ଭାବେ ନଜର ଆସିବେ। ତେବେ ଅଭିନେତାଙ୍କ ଏହି ଖାସ୍ ଦିନରେ ଫିଲ୍ମରୁ ତାଙ୍କର ପ୍ରଥମ ଝଲକ୍ ସାମ୍ନାକୁ ଆସିଛି, ଯେଉଁଥିରେ ବବିଙ୍କୁ ଦମ୍ଦାର ଅବତାରରେ ଦେଖିବାକୁ ମିଳିଛି।
ପୋଷ୍ଟରରେ ବବି ଦେଓଲ ଜଣେ ସମ୍ରାଟ ରୂପରେ ଗମ୍ଭୀର ଏବଂ ଭବ୍ୟ ଲୁକ୍ରେ ନଜର ଆସିଛନ୍ତି, ଯାହା ପ୍ରଶଂସକମାନଙ୍କୁ ପବନ କଲ୍ୟାଣଙ୍କ ବହୁ ପ୍ରତୀକ୍ଷିତ ପିରିୟଡ ଡ୍ରାମାରେ ତାଙ୍କ ଭୂମିକା ବିଷୟରେ ସମ୍ୟକ୍ ଧାରଣା ପ୍ରଦାନ କରିଛି। ପୋଷ୍ଟର ସହ ଫିଲ୍ମର ସମ୍ପୂର୍ଣ୍ଣ ଟିମ୍ ପକ୍ଷରୁ ଅଭିନେତାଙ୍କୁ ଜନ୍ମଦିନର ଶୁଭେଚ୍ଛା ଜଣାଯାଇଛି।
Wishing the incomparable, the man of magnetic screen presence @thedeol a very Happy Birthday! – Team #HariHaraVeeraMallu ⚔️#HBDBobbyDeol 🔥
Power star 🌟 @PawanKalyan @AMRathnamOfl @AnupamPKher @AgerwalNidhhi @amjothikrishna @mmkeeravaani @ADayakarRao2 @Manojdft… pic.twitter.com/frklEumhjM
— Hari Hara Veera Mallu (@HHVMFilm) January 27, 2025
ପୋଷ୍ଟରରେ ବବି ଦେଓଲଙ୍କୁ କଳା ରଙ୍ଗର ଆକର୍ଷଣୀୟ ପୋଷାକରେ ଖଣ୍ଡା ଧରିଥିବାର ଦେଖିବାକୁ ମିଳିଛି। ଏଥିରୁ ତାଙ୍କ ଚରିତ୍ର କେତେ ଭୟଙ୍କର ତାହା ସହଜରେ ଅନୁମାନ କରିହେଉଛି। ଖବର ଅନୁଯାୟୀ, ସେ ଏହି ଚଳଚ୍ଚିତ୍ରରେ ମୋଗଲ ସମ୍ରାଟ ଔରଙ୍ଗଜେବଙ୍କ ଭୂମିକାରେ ଅଭିନୟ କରିଛନ୍ତି।
କ୍ରିଶ୍ ଜଗରଲାମୁଡି ଦ୍ବାରା ନିର୍ଦେଶିତ ଏହି ଚଳଚ୍ଚିତ୍ରରେ ପବନ କଲ୍ୟାଣ, ବବି ଦେଓଲଙ୍କ ବ୍ୟତୀତ ନିଧି ଅଗ୍ରଓ୍ବାଲ, ନରଗିସ ଫାଖ୍ରୀ ଓ ନୋରା ଫତେହୀ ପ୍ରମୁଖ କଳାକାର ଅଭିନୟ କରିଛନ୍ତି। ବିଜୟ ଡୋଙ୍କଡ଼ା ନିର୍ମିତ ‘ହରି ହର ବୀରା ମଲ୍ଲୁ’ ଚଳିତ ବର୍ଷ ମାର୍ଚ୍ଚ ୨୮ ତାରିଖରେ ହିନ୍ଦୀ, ତାମିଲ, କନ୍ନଡ଼ ଓ ମାଲାୟାଲମ ଭାଷାରେ ମୁକ୍ତିଲାଭ କରିବ।
