ବାର୍ଦ୍ଧକ୍ୟ ଭତ୍ତା ପାଇଁ ଫର୍ମ ଦେଲିଣି ୧୨ ଥର….

ବଲାଙ୍ଗିର : ଥରେ କି ଦୁଇ ଥର ନୁହେଁ, ବାର୍ଦ୍ଧକ୍ୟ ଭତ୍ତା ପାଇଁ ୧୨ ଥର ଫର୍ମ ଭର୍ତ୍ତି କରି ଦେଇଛି। ଗଲା ୫ ବର୍ଷ ହେଲା ଧାଉଁଛି। ହେଲେ ମୋର ଫର୍ମ ସରକାର ବାବୁମାନେ ଦେଖୁ ନାହାନ୍ତି। ଯେତେଥର ଗଲେ ଏଥର ହେଇଯିବ କହୁଛନ୍ତି। ମନକୁ ବୁଝାଉଛି। ଫର୍ମ ଦେଇ ଫେରୁଛି। କେତେ ଦିନ ଏମିତି ଫର୍ମ ଖେଳ ଖେଳିବେ। ହାର ମାନିବିନି…ମଲା ଯାଏଁ ଫର୍ମ ଦେଉଥିବି। ୟେ ହେଉଛି ବଲାଙ୍ଗିର ସହରର ହାତୀଶାଳପଡାର ଆକୁଳ ବଗର୍ତ୍ତୀଙ୍କ କଥା। ବୟସ କେତେ ହେଲାଣି ମୋତେ ଆପଣମାନେ ଦେଖି କୁହନ୍ତୁ। ଆମେ ସେ ସମୟର ଲୋକ ବୋଲି ସେ କୁହନ୍ତି। ବର୍ତ୍ତମାନ ବୃଦ୍ଧାବସ୍ଥାରେ ପହଞ୍ଚିବା କାରଣରୁ ମୋର ଶରୀର ଅସୁସ୍ଥ ହେବାରେ ଲାଗିଛି। ଆଉ ପୂର୍ବ ପରି କାମ କରିବାକୁ ସକ୍ଷମ ବି ନୁହେଁ। ବାରମ୍ବାର ଲେଖି ଜଣାଇଲେ ମଧ୍ୟ ସେଥିରେ ତାଙ୍କୁ ସାମିଲ କରାଯାଉ ନାହିଁ। ପରିବାର ଭରଣ ପୋଷଣ ପାଇଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ତେଣୁ ଜିଲା ପ୍ରଶାସନ ତାଙ୍କ ପ୍ରତି ଦୃଷ୍ଟି ଦେଇ ଭତ୍ତା ମଞ୍ଜୁର କରିବାକୁ ସେ ନିବେଦନ କରିଛନ୍ତି।

Comments are closed.