ଚିରାଗଙ୍କ ଦାବିକୁ ବିଜେପି, ଜେଡିୟୁର ବିରୋଧ

ପାଟନା : ବିହାରରେ ଏନଡିଏ ସରକାର ଗଠନ ହେବାକୁ ଯାଉଥିବାବେଳେ ସହଯୋଗୀ ଚିରାଗ ପାଶ୍ବାନଙ୍କ ନେତୃତ୍ବାଧୀନ ଏଲଜେପି(ଆରଭି) ଉପମୁଖ୍ୟମନ୍ତ୍ରୀ ପଦ ପାଇଁ କରିଥିବା ଦାବିକୁ ଅଗ୍ରାହ୍ୟ କରିଦିଆଯାଇଛି। ବୁଧବାର ସରକାର ଗଠନ ପ୍ରକ୍ରିୟା ସମ୍ପର୍କରେ ଆଲୋଚନାବେଳେ ଚିରାଗ ତାଙ୍କ ଦଳ ପାଇଁ ଉପମୁଖ୍ୟମନ୍ତ୍ରୀ ପଦ ଦାବି କରିଥିଲେ। ମାତ୍ର ଏହି ଦାବିକୁ ସହଯୋଗୀ ବିଜେପି ଓ ଜେଡିୟୁ ବିରୋଧ କରିଥିଲେ। ନିର୍ବାଚନରେ ଚିରାଗଙ୍କ ଦଳ ୧୯ଟି ଆସନ ପାଇଛି। ନୂଆ ସରକାରରେ ଜେଡିୟୁ ମୁଖ୍ୟମନ୍ତ୍ରୀ ପଦ ପାଇଥିବାବେଳେ ବିଜେପିକୁ ଦୁଇଟି ଉପମୁଖ୍ୟମନ୍ତ୍ରୀ ପଦ ମିଳିବାର ସମ୍ଭାବନା ରହିଛି। ଏହା ସହିତ ଜେଡିୟୁକୁ ବାଚସ୍ପତି ପଦ ମିଳିବ।