ଭୁବନେଶ୍ୱର : ରାଜ୍ୟର ବିଭିନ୍ନ ବନାଞ୍ଚଳରେ ବୁଧବାର ପକ୍ଷୀ ଗଣନା କରାଯାଉଛି। ବଣାଇ ଫରେଷ୍ଟ ଡିଭିଜନର ୭ଟି ରେଞ୍ଜର ୩୧ଟି ସ୍ଥାନରେ , କୋରାପୁଟ ବନାଞ୍ଚଳର ୬ଟି ସ୍ଥାନରେ ୬ଟି ଟିମ୍ ଗଣନା କରୁଛନ୍ତି। ପୁରୀ ବନ୍ୟପ୍ରାଣୀ ଡିଭିଜନର ୫ଟି ରେଞ୍ଜରେ ୨୫ଟି ଟିମ୍ ମୁତୟନ ରହିଛନ୍ତି। ସେହିପରି ରେଢାଖୋଲ ଡିଭିଜନର ୬ଟି ରେଞ୍ଜର ୩୪ଟି ସ୍ଥାନରେ ପକ୍ଷୀ ଗଣନା କରୁଛନ୍ତି। ଦଶପଲ୍ଲା ରେଞ୍ଜରେ ୪ଟି ଟିମ୍ ଦ୍ୱାରା ପକ୍ଷୀ ଗଣନା ଚାଲିଛି। କୋଇଡା ବନାଞ୍ଚଳରେ ୭ଟି ଟିମ୍ରେ ୩୫ ଜଣ ଗଣନାରେ ସାମିଲ ରହିଛନ୍ତି। ଶିମିଳିପାଳ ସଂଲଗ୍ନ ଆର୍ଦ୍ରଭୂମିର ୩ଟି ଡିଭିଜନ୍ରେ ଚାଲିଛି ଗଣନା। ନୀଳଗିରି ଓ କୁଳଡିହା ରେଞ୍ଜରେ ଗଣନା ପାଇଁ ୨ଟି ଟିମ୍ ନିୟୋଜିତ ରହିଛନ୍ତି। ଆଠଗଡ ଡିଭିଜନର ୫ଟି ରେଞ୍ଜରେ ୨୦୦ କର୍ମଚାରୀ ନିୟୋଜିତ ରହିଛନ୍ତି।
Comments are closed.