ରାଜସ୍ଥାନ : ରାଜସ୍ଥାନର ନାଗୋରରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ସକାଳ ସମୟରେ ଏକ ଟ୍ରକ ଓ କ୍ରୁଜର ଗାଡି ଧକ୍କା ହୋଇ ୧୧ ଜଣଙ୍କ ଜୀବନ ଚାଲିଯାଇଛି। ଏହାସହ ୭ ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ସମସ୍ତ ମୃତକ ମଧ୍ୟପ୍ରଦେଶର ଉଜୈନ ଜିଲା ଅନ୍ତର୍ଗତ ଏକ ଗ୍ରାମର ବୋଲି ଜଣାପଡିଛି। ମୃତକଙ୍କ ମଧ୍ୟରେ ୮ ଜଣ ମହିଳା ଥିବା ବେଳେ ୩ ଜଣ ପୁରୁଷ ରହିଛନ୍ତି।
ସୂଚନା ଯୋଗ୍ୟ, ଉକ୍ତ କ୍ରୁଜରରେ ୧୮ ଜଣ ଯାତ୍ରା କରୁଥିଲେ। ସମସ୍ତେ ଏକ ଦର୍ଶନୀୟ ସ୍ଥାନକୁ ଯାଉଥିଲେ ବୋଲି ପ୍ରାଥମିକ ତଦନ୍ତରୁ ଜଣାପଡିଛି। ଉକ୍ତ ସ୍ଥାନକୁ ଯାଉଥିବା ସମୟରେ ନାଗୋରରୁ ନୋଖା ଆଡକୁ ଯାଉଥିବା ଟ୍ରକଟି ସହ କ୍ରୁଜର ଧକ୍କା ହୋଇଥିଲା। ଘଟଣାସ୍ଥଳରେ ହିଁ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ହସ୍ପିଟାଲ ଯିବା ବାଟରେ ଅନ୍ୟ ୩ ଜଣଙ୍କ ମୃତ୍ୟୁ ହୋଇଥିଲା।
ଏହି ଦୁର୍ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଗଭୀର ଦୁଃଖ ପ୍ରକାଶ କରିଛନ୍ତି। ମୃତକଙ୍କ ପରିବାରକୁ ସମବେଦନା ଜଣାଇବା ସହ ଗୁରୁତରଙ୍କ ଆଶୁ ଆରୋଗ୍ୟ କାମନା କରିଛନ୍ତି ।
ଟ୍ରକ – କ୍ରୁଜର ଧକ୍କା ; ୧୧ ମୃତ, ୭ ଗୁରୁତର
Popular Categories
Previous article
Next article