ମା’ କାଳୀଙ୍କ ମନ୍ଦିରରୁ ଲୁଟିନେଲେ ସୁନା ଅଳଙ୍କାର

ଭୁବନେଶ୍ବର : ନକଲି ଚାବି ତିଆରି କରି ମା’ କାଳୀଙ୍କ ମନ୍ଦିରରୁ ମୂଲ୍ୟବାନ ଅଳଙ୍କାର ଓ ଟଙ୍କା ପଇସା ଲୁଟି ନେଇଛନ୍ତି ଦୁର୍ବୃତ୍ତ। ସୂଚନା ଅନୁସାରେ, ଭୁବନେଶ୍ୱରର ଏଜି ଛକ ପାଖରେ ଥିବା କାଳୀମନ୍ଦିରରେ ଚୋରମାନେ ପଶି ନକଲି ଚାବି ଦ୍ୱାରା ଆଲମାରି ଖୋଲି ମାଆଙ୍କ ଗହଣା ଓ ନଗଦ ୫ହଜାର ଟଙ୍କା ଚୋରି କରି ନେଇଥିବା ମନ୍ଦିରର ପୂଜକ ଅଭିଯୋଗ ହୋଇଛି। ଦୁର୍ବୃତ୍ତ ଚାବି ଭାଙ୍ଗି ମା’ଙ୍କ ସୁନା ହାର, ମୁକଟ ଏବଂ ୫୦୦୦ ଟଙ୍କା ମଧ୍ୟ ନେଇଯାଇଥିବା ଜଣାପଡ଼ିଛି। ଘଟଣାସ୍ଥଳରେ ପୁଲିସ ପହଞ୍ଚି ତନାଘନା ଆରମ୍ଭ କରିଛି ।