ବ୍ରହ୍ମପୁର:ଗଞ୍ଜାମ ଜିଲା ପ୍ରଶାସନ ନିର୍ଦ୍ଦେଶ କ୍ରମେ ବ୍ରହ୍ମପୁର ମହାନଗର ନିଗମ ଅନ୍ତର୍ଗତ ୪୦ନମ୍ବର ୱାର୍ଡ ଆମ୍ବପୁଆରେ ସମନ୍ବିତ ଶିଶୁ ବିକାଶ ଅଧିକାରୀ(୧)ଙ୍କ ପରାମର୍ଶକ୍ରମେ ବାଲ୍ୟ ବିବାହ ମୁକ୍ତ ସପ୍ତାହ ପାଳନ କରାଯାଇଛି । ଅଙ୍ଗନୱାଡ଼ି କେନ୍ଦ୍ର ୧, ୨ ଓ ୩ ଅଞ୍ଚଳର ଜନସାଧାରଣଙ୍କୁ ନେଇ ବାଲ୍ୟବିବାହ ମୁକ୍ତ ସପ୍ତାହ ପାଳନର ଲକ୍ଷ୍ୟ ଓ ଆଭିମୁଖ୍ୟ ଉପରେ ଗୁରୁତ୍ୱାରୋପ କରାଯାଇଥିଲା। ବାଲ୍ୟବିବାହ ରୋକିବା ପାଇଁ ଅଧିକ ଗୁରୁତ୍ବ ଦେବା ସହିତ ସମାଜରେ ୧୮ବର୍ଷ ବୟସରୁ କମ୍ ଝିଅଙ୍କ ବିବାହକୁ ନିଷେଧ କରିବା ପାଇଁ ଏକ ଶପଥ ପାଠ କାର୍ଯ୍ୟକ୍ରମ ଓ ସଚେତନତା ରାଲି ଅନୁଷ୍ଠିତ ହୋଇଯାଇଛି।
- Advertisement -
ବରିଷ୍ଠ ପୁରୋହିତ ସୁରେନ୍ଦ୍ରନାଥ ଶତପଥୀ ଯୋଗଦେଇ ଏଣିକି ଆଧାର କାର୍ଡ ଦେଖି ବିବାହ କରିବାକୁ ପରାମର୍ଶ ଦେଇଥିଲେ । ଏଥିରେ ଅଙ୍ଗନବାଡ଼ି କର୍ମୀ ଲତା ପାତ୍ର, ବାସନ୍ତୀ ପାଢ଼ୀ, ବି.ପୁଷ୍ପାଞ୍ଜଳି ରେଡ୍ଡୀଙ୍କ ସମେତ ପୂର୍ବତନ କର୍ପୋରେଟର ଜି.ଗୋପାଳକୃଷ୍ଣ ରେଡ୍ଡୀ ଓ ଅଞ୍ଚଳର ମାନ୍ୟଗଣ୍ୟ ବ୍ୟକ୍ତିମାନେ ଉପସ୍ଥିତ ଥିଲେ ।
