ବେଗୁନିଆ: ଓଡ଼ିଶା ମାଧ୍ୟମିକ ସ୍ୱତନ୍ତ୍ର ଶିକ୍ଷା ଶିକ୍ଷକ ସଂଘ ଦ୍ୱାରା ଜିଲ୍ଲାସ୍ତରୀୟ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ରାଜ୍ୟର ସାଧାରଣ ବିଦ୍ୟାଳୟଗୁଡିକରେ ଗୁଣାତ୍ମକ ଶିକ୍ଷାକୁ ସୁଦୃଢ କରିବା ପାଇଁ ଓଡ଼ିଶା ସରକାର ମାଧ୍ୟମିକ ଏବଂ ଉଚ୍ଚ ମାଧ୍ୟମିକ ସ୍କୁଲମାନଙ୍କୁ ୫ଟି ଜରିଆରେ ସ୍ମାର୍ଟ ସ୍କୁଲରେ ରୂପାନ୍ତରିତ କରୁଛନ୍ତି । ହାଇସ୍କୁଲ ସ୍ତରରେ ଶିକ୍ଷକ ମଧ୍ୟ ନିଯୁକ୍ତି କରୁଛନ୍ତି । କିନ୍ତୁ ଦୁଃଖର ବିଷୟ ଦିବ୍ୟାଙ୍ଗ ପିଲାମାନେ ସାଧାରଣ ସ୍କୁଲରେ ପାଠ ପଢୁଥିଲେ ମଧ୍ୟ ଏମାନଙ୍କ ପାଇଁ ସରକାର ଆଜି ପର୍ଯ୍ୟନ୍ତ ସାଧାରଣ ହାଇସ୍କୁଲମାନଙ୍କରେ ଜଣେ ବି ସ୍ୱତନ୍ତ୍ର ଶିକ୍ଷକ ନିଯୁକ୍ତି କଲେ ନାହିଁ । ଯାହା ଫଳରେ ହଜାର ହଜାର ଦିବ୍ୟାଙ୍ଗ ଛାତ୍ରଛାତ୍ରୀ ସାଧାରଣ ସ୍କୁଲମାନଙ୍କରେ ଅଣଦେଖା ହେବା ସହିତ ସ୍ୱତନ୍ତ୍ର ଶିକ୍ଷାରୁ ବଞ୍ଚିତ ହେଉଛନ୍ତି ଏବଂ ଅଧାରୁ ପାଠ ଛାଡ଼ୁଛନ୍ତି କିମ୍ବା ଉନ୍ନତ ଶିକ୍ଷା ପାଇବାରୁ ବଞ୍ଚିତ ହେଉଛନ୍ତି । ଏହାକୁ ଦୃଷ୍ଟିରେ ରଖି ଆଜି ଓସେଟା(ଓଏସଏସଇଟିଏ)ପକ୍ଷରୁ ଏକ ସାଧାରଣ ସଭାର ଆୟୋଜନ ହୋଇଥିଲା । ଏହି ବୈଠକରେ ଅନେକ ସ୍ୱତନ୍ତ୍ର ଶିକ୍ଷକ ଓସେଟାର ସଦସ୍ୟତା ଗ୍ରହଣ କରିଥିଲେ । ଉଚ୍ଚ ନ୍ୟାୟାଳୟଙ୍କ କେଶ ନଂ ଡବ୍ଲ୍ୟୁ ପି(ସି)୧୩୨/୨୦୧୬ ତା୨୮.୧୦.୨୧ର ନିର୍ଦେଶ ଅନୁସାରେ ଦିବ୍ୟାଙ୍ଗ ପିଲାମାନଙ୍କର ଉନ୍ନତ ଶିକ୍ଷାଦାନ ପାଇଁ ଉଚ୍ଚ ମାଧ୍ୟମିକ ସ୍ତରରେ ପ୍ରତ୍ୟେକ ସାଧାରଣ ବିଦ୍ୟାଳୟରେ ଅତି କମରେ ୨ ଜଣ ସ୍ୱତନ୍ତ୍ର ଶିକ୍ଷକ ନିଯୁକ୍ତି ଦେବା ପାଇଁ ବୈଠକରେ ଦାବି କରାଯାଇଥିଲା । ଉକ୍ତ ସଭାକୁ ସଂଘର ଉପ ସଭାପତି କମଳାକାନ୍ତ ଘଡ଼ିଆ(ବାଲେଶ୍ୱର ଜିଲ୍ଲା)ପରିଚାଳନା କରିଥିଲେ । ସଂଯୋଜକ ଚିରଞ୍ଜିବି ପାତଳାସିଂ ଏବଂ ସହ ସଂଯୋଜକ ଦେବାଶିଷ ରାଉତରାୟ ଏବଂ ଅଚ୍ୟୁତା ନନ୍ଦ ବେହେରା ପ୍ରମୁଖଙ୍କ ସହିତ ବିଏଡ଼ ସ୍ୱତନ୍ତ୍ର ଶିକ୍ଷା ତାଲିମ ଗ୍ରହଣ କରିଥିବା ବହୁ ଛାତ୍ରଛାତ୍ରୀ ଉପସ୍ଥିତ ଥିଲେ ।
Popular Categories
Previous article
Next article