ବାରିପଦା: ସାନ୍ତାଳୀ କଳା ଓ ଚଳଚ୍ଚିତ୍ର ଉନ୍ନୟନ ପରିଷଦ ପକ୍ଷରୁ ବାରିପଦାଠାରେ ଜାତୀୟ ସାନ୍ତାଳୀ କ୍ଷୁଦ୍ର ଚଳଚ୍ଚିତ୍ର ମହୋତ୍ସବ ଆରମ୍ଭ ହୋଇଛି। ବାରିପଦାର ପ୍ରୟାସ ସମ୍ମିଳନୀ କକ୍ଷରେ ଆୟୋଜିତ ଉତ୍ସବରେ ମୟୂରଭଞ୍ଜ ସ୍ୱତନ୍ତ୍ର ବିକାଶ ପରିଷଦର ଅଧ୍ୟକ୍ଷ ଡଃ ଦେବାଶିଷ ମାରାଣ୍ଡି ମହୋତ୍ସବକୁ ଉଦ୍ଘାଟନ କରିଥିଲେ। ଜନଜାତିଙ୍କ ସଂସ୍କୃତି ଓ ପରମ୍ପରାର ସୁରକ୍ଷା ଏବଂ ବିକାଶ ଉପରେ ସେ ଗୁରୁତ୍ୱ ଆରୋପ କରିଥିଲେ। ଚଳଚ୍ଚିତ୍ର ମାଧ୍ୟମରେ ଜାତୀୟ ଏବଂ ଆର୍ନ୍ତଜାତୀୟସ୍ତରରେ ଜନଜାତିଙ୍କ ସଂସ୍କୃତି ଓ ପରମ୍ପରାର ସ୍ୱତନ୍ତ୍ର ପରିଚୟ ସୃଷ୍ଟି କରିବାକୁ ଡଃ ମାରାଣ୍ଡି ପରାମର୍ଶ ଦେଇଥିଲେ। ପରିଷଦର ଅଧ୍ୟକ୍ଷ ଦୀପକ କୁମାର ବେସ୍ତା ଉଦ୍ଘାଟନୀ ଉତ୍ସବରେ ଅଧ୍ୟକ୍ଷତା କରି ଏହି ମହୋତ୍ସବରେ ୪୪ଟି ସାନ୍ତାଳୀ କ୍ଷୁଦ୍ର ଚଳଚ୍ଚିତ୍ର ସ୍ଥାନ ପାଇଥିବା କରିଛନ୍ତି। ଏହି ମହୋତ୍ସବ ୪ଦିନ ଧରି ଚାଲିବ।