ବାଙ୍କୀ: ବାଙ୍କୀ ଏନଏସି ନିର୍ବାଚନରେ ୪ନଂ ଓାର୍ଡ ପାଇଁ ବିଜୁ ଜନତା ଦଳ ପକ୍ଷରୁ ନିର୍ବାଚନ ଲଢିଥିବା ସନାତନ ବେହେରା ତାଙ୍କର ନିକଟରମ ପ୍ରତିଦ୍ୱନ୍ଦୀ କଂଗ୍ରେସ ଦଳର ରମାକାନ୍ତ ସେଠୀଙ୍କୁ ୨୨୮ଖଣ୍ଡ ଭୋଟରେ ପରାସ୍ତ କରି ୪ନଂ ଓାର୍ଡର ପରିଷଦ ଭାବରେ ନିର୍ବାଚିତ ହୋଇଛନ୍ତି। ସେପଟେ ବାଙ୍କୀ ଏନଏସିର ଅଧ୍ୟକ୍ଷା ପଦ ପାଇଁ ନିଜର ସହଧର୍ମିଣୀ ବିଜେଡି ଦଳର ମାଣିକ ସାହୁ ନିକଟତମ ପ୍ରତିଦ୍ୱନ୍ଦୀ କଂଗ୍ରେସ ଦଳର ସୁଷମା ମହାପାତ୍ରଙ୍କୁ ୬୮୯ଖଣ୍ଡ ଭୋଟ ବ୍ୟବଧାନରେ ପରାସ୍ତ କରି ବାଙ୍କୀ ଏନଏସିର ଅଧ୍ୟକ୍ଷା ପଦବୀ ଦଖଲ କରିଛନ୍ତି। ଉଭୟ ସ୍ୱାମୀ ଓ ସ୍ତ୍ରୀ ବିଜୁ ଜନତା ଦଳରୁ ୨ପଦବୀ ପାଇଁ ଲଢେଇ କରି ବିଜୟୀ ହୋଇଥିବାରୁ ଏହି ଦମ୍ପତ୍ତିଙ୍କୁ ବିଭିନ୍ନ ମହଲରୁ ସ୍ୱାଗତ ଓ ଅଭିନନ୍ଦନର ସୁଅ ସୁଟୁଛି। ବାଙ୍କୀ ଏନଏସିର ସର୍ବାଙ୍ଗୀନ ଉନ୍ନତି, ପାନୀୟଜଳ, ପରିମଳ ବ୍ୟବସ୍ଥା ସହିତ ସହରକୁ ଅଧିକ ସୌନ୍ଦର୍ଯ୍ୟକରଣ ଓ ରାସ୍ତାଘାଟ ସୁଗମ କରିବା ପାଇଁ ଗୁରୁତ୍ୱ ଦେବେ ବୋଲି ନବ ନିର୍ବାଚିତା ଅଧ୍ୟକ୍ଷା କହିଛନ୍ତି।
Popular Categories
Previous article
Next article