ବାଲିଗୁଡା : କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ନେହୁରୁ ଛକ ଠାରେ ଲୁଟେରାଙ୍କ ଉତ୍ପାତ ଦେଖିବାକୁ ମିଳିଛି । ଆଜି ସକାଳ ୧୦ଟା ସମୟରେ ୩ ଦୁର୍ବୁତ୍ତ ଗୋଟିଏ ମୋଟର ସାଇକେଲରେ ଆସି ଜଣେ ସୁନା ବ୍ୟବସାୟୀଙ୍କୁ ଦୋକାନ ଖୋଲିବା ସମୟରେ ତାଙ୍କୁ ମରଣାନ୍ତକ ଆକ୍ରମଣ କରି ଧାରୁଆ ଅସ୍ତ୍ରରେ ହାତକୁ ଆଘାତ କରିବା ସହ ଗୁଳି ଚାଳନା କରି ଲୁଟ୍ କରିଛନ୍ତି। ସୁନା ବେପାରୀଙ୍କ ନାମ ସୁବାସ ଆଚାରୀ । ତାଙ୍କ ଘର ବାଲିଗୁଡ଼ା ନୁଆସାହି । ବ୍ୟବସାୟୀ ଜଣଙ୍କୁ ଚିକିତ୍ସା ନିମନ୍ତେ ପ୍ରଥମେ ଉପଖଣ୍ଡ ଚିକିତ୍ସାଳୟକୁ ଅଣାଯାଇଛି । ତାଙ୍କର ହାତ ପାପୁଲିରେ ଧାରୁଆ ଅସ୍ତ୍ରରେ ଆକ୍ରମଣ କରିବା ସହ ପିଠିରେ ଗୁଳି ବାଜିବା ଚିହ୍ନ ରହିଛି । ଅବସ୍ଥା ଗୁରୁତର ଥିବାରୁ ତାଙ୍କୁ ବଡମେଡିକାଲକୁ ସ୍ଥାନାନ୍ତର କରାଯାଇଛି । ଘଟଣା ସ୍ଥଳରେ ବାଲିଗୁଡ଼ା ପୁଲିସ ପହଞ୍ଚି ତଦନ୍ତ କରିବା ସହ ଦୁର୍ବୁତ୍ତକୁ ଧରିବା ପାଇଁ ପିଛା କରିଛନ୍ତି ।
Comments are closed.