ଆଗଲପୁର: ବଲାଙ୍ଗିର ଜିଲା ବାବୁଫାସଡ ପଞ୍ଚାୟତର ବାବୁପାଲି ଗାଁ ସ୍ଥିତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ଅଭାବ ଥିବାରୁ ଛାତ୍ରଛାତ୍ରୀମାନେ ପାଠ ପଢିବାରେ ବହୁତ ସମସ୍ୟା ହେଉଛି। ଫଳରେ ସ୍କୁଲ କମିଟି ଓ ଗାଁ ଲୋକେ ସ୍କୁଲରେ ତାଲା ପକାଇଛନ୍ତି।
ସୂଚନା ଅନୁସାରେ, ସ୍କୁଲରେ ୮ଟି ଶ୍ରେଣୀ ଥିବା ବେଳେ ମାତ୍ର ୩ଜଣ ଶିକ୍ଷକ ଅଛନ୍ତି। ଆଗଲପୁର ଗୋଷ୍ଠୀ ଶିକ୍ଷା ଅଧିକାରୀ(ବିଇଓ)ଙ୍କୁ ଶିକ୍ଷକ ଅଭାବ ଓ ପାଠପଢା ବାଧାପ୍ରାପ୍ତ ହେଉଥିବା ବିଷୟରେ ଗାଁ ଲୋକେ ଓ ସ୍କୁଲ କମିଟି ଲେଖି ଜଣାଇଥିଲେ ବି କୌଣସି ପଦକ୍ଷେପ ନିଆଯାଇ ନାହିଁ। ତେଣୁ ସ୍କୁଲରେ ତାଲା ପକାଇଥିବା ଜଣାପଡିଛି। ଛାତ୍ରଛାତ୍ରୀଙ୍କ ପାଠପଢା ସ୍ୱାଭାବିକ କରିବା ପାଇଁ ଶିକ୍ଷକ ନିଯୁକ୍ତି ଦେବାକୁ ଗାଁ ଲୋକେ ଦାବି କରିଛନ୍ତି।
