ଲଖନଉ : ପ୍ରଭୁ ରାମଲାଲାଙ୍କ ପ୍ରାଣ ପ୍ରତିଷ୍ଠାର ଅନୁଷ୍ଠାନ ଅନେକ କାରଣରୁ ଅଦ୍ଭୁତ ରହିଛି। ସାତ ଦିନ ଧରି ହୋଇଥିବା ଏହି ଅନୁଷ୍ଠାନରେ ୫.୫୦ ଲକ୍ଷ ମନ୍ତ୍ରର ଜପ,ରାମଜନ୍ମଭୂମି ପରିସରରେ ସମ୍ପନ୍ନ ହୋଇଛି। ଏହି ସମସ୍ତ ମନ୍ତ୍ର ରାମନଗରୀର ପୌରାଣିକ ଗ୍ରନ୍ଥରୁ ନିଆଯାଇଛି। ପୁରାଣ, ଶ୍ରୀମଦ୍ ଭଗବତ୍ଗୀତା ଓ ବାଲ୍ମୀକିଙ୍କ ରାମାୟଣର ମନ୍ତ୍ରର ଜପ କରାଯାଇଛି। ଏହାସହ ୯ଟି ଅଗ୍ନିକୁଣ୍ଡ ସହ ୬୦ ଘଣ୍ଟା ପୂଜାର୍ଚ୍ଚନା କରାଯାଇଛି।
ଲଖନଉରୁ ଆସିଥିବା ୫୬ ପ୍ରକାର ଭୋଗକୁ ରୁପାଥାଳି ଓ ରୁପା ଗିନାରେ ସଜେଇ ରଖାଯିବା ସହ ଏହା ମଧ୍ୟରେ ସ୍ୱତନ୍ତ୍ର ତୁଳସୀରେ ତିଆରି ମିଠା ରହିଥିଲା। ୧୫୧ ପାନର ଭୋଗ ମଧ୍ୟ ରହିଥିଲା। । ୩୬୧୦ କିଲୋ ଓଜନର ୧୦୮ ଫୁଟ୍ ଲମ୍ବ ବିଶିଷ୍ଟ ଅଗରବତୀ ଗୁଜରାଟରୁ ରାମ ମନ୍ଦିର ପ୍ରାଣ ପ୍ରତିଷ୍ଠା ସମାରୋହ ପାଇଁ ନିଆଯାଇଥିଲା।
ଏହି ଅଗରବତୀକୁ ଗୁଜରାଟର ଭଦୋଦରାରେ ତିଆରି କରାଯାଇଥିଲା। ଏହାକୁ ପ୍ରସ୍ତୁତ କରିବାକୁ ୬ ମାସ ସମୟ ଲାଗିଥିଲା। ଏଥିରେ ଅନେକ ପ୍ରକାର ଜଡିବୁଟ୍ଟୀ ମିଶ୍ରଣ କରାଯାଇ ପ୍ରସ୍ତୁତ କରାଯାଇଥିଲା, ଯାହା ପ୍ରାୟ ଦେଢ ମାସ ପର୍ୟ୍ୟନ୍ତ ୫୦ କିଲୋମିଟର କ୍ଷେତ୍ର ପର୍ୟ୍ୟନ୍ତ ନିଜ ବାସ୍ନାରେ ମହକାଇବ।
ପ୍ରଭୁ ରାମଲାଲାଙ୍କ ପ୍ରାଣ ପ୍ରତିଷ୍ଠା ; ୯ଟି ଅଗ୍ନିକୁଣ୍ଡ,୬୦ ଘଣ୍ଟା ପୂଜାର୍ଚ୍ଚନା ସହ କରାଯାଇଥିଲା ୫.୫୦ ଲକ୍ଷ ମନ୍ତ୍ରର ଜପ
Popular Categories
Previous article
Next article