ଆଠଗଡ: ଆଠଗଡ ଅବକାରୀ ବିଭାଗ ପକ୍ଷରୁ ଖୁଣ୍ଟୁଣୀ ଓ ଗୁରୁଡିଝାଟିଆ ଥାନା ଅଞ୍ଚଳର ବିଭିନ୍ନ ସ୍ଥାନରେ ବୁଧବାର ଚଢାଉ କରାଯାଇ ଏକ ବାଇକ, ୧୩୦ଲିଟର ମଦ ସହିତ ୫ଜଣଙ୍କୁ ଗିରଫ କରାଯାଇଥିବା ଜଣାପଡିଛି। ଗୁରୁଡିଝାଟିଆ ଥାନା ଅନ୍ତର୍ଗତ ୧୫ଲିଟର ମଦ ସହିତ ଲକ୍ଷ୍ମୀଧର ସାହୁଙ୍କୁ ଓସ୍ତପୁରର ପର୍ଶୁରାମ ସାହୁଙ୍କ ଠାରୁ ୧୫ଲିଟର ମଦ, ଦମ୍ପତିପୁରର ସୁଦାମ ଜଟଙ୍କଠାରୁ ୨୦ଲିଟର ମଦ ଜବତ କରାଯିବା ସହ ଉପରୋକ୍ତ ୩ଜଣଙ୍କୁ ଗିରଫ କରାଯାଇଥିଲା। ପରେ ପରେ ଖୁଣ୍ଟୁଣୀ ଥାନା ଛକରେ ଏକ ଟିଭିଏସ ଆପାଚି ବାଇକରେ ୮୦ଲିଟର ଚୋରା ଦେଶୀମଦ ଚାଲାଣ କରୁଥିବା ଖୁଣ୍ଟୁଣୀ ଥାନା ଅନ୍ତର୍ଗତ ଛେନାଖିଆନୂଆଗାଁର ସୁଧୀର କୁମାର ସାହୁ, ଦିପ୍ତୀକର ମହାରଣାଙ୍କୁ ଗିରଫ କରାଯାଇଛି। ସମସ୍ତ ୫ଜଣ ଅଭିଯୁକ୍ତଙ୍କୁ ଆସନ୍ତା କାଲି ଅଦାଲତରେ ହାଜର କରାଯିବ ବୋଲି ଅବକାରୀ ବିଭାଗ ସୁତ୍ରରୁ ପ୍ରକାଶ। ଆଠଗଡ ସହକାରୀ ଅବକାରୀ ନିରୀକ୍ଷକ ବିଜୟ କୁମାର ଭଞ୍ଜ, ନରସିଂହପୁର ଅବକାରୀ ଭାରପ୍ରାପ୍ତ ଅଧିକାରୀ ଦେବାନନ୍ଦ ଭୂୟାଁ ଓ ଉପସହକାରୀ ନିରୀକ୍ଷକ ପଙ୍କଜ କଅଁରଙ୍କ ସମେତ ଅନ୍ୟ ଅବକାରୀ କର୍ମଚାରୀ ଏଥିରେ ଅଂଶଗ୍ରହଣ କରିଥିଲେ।
Popular Categories
Previous article
Next article