ତାଲିବାନ ଆକ୍ରମଣରେ ଆଫଗାନିସ୍ତାନର ୨୨ ପୁଲିସ୍ କର୍ମୀ ମୃତ
![](https://samajalive.in/wp-content/uploads/2018/11/taliban-2.jpg)
ହେରାତ : ଆଫଗାନିସ୍ତାନ ପଞ୍ଚାମାଞ୍ଚଳ ଫାରାହ ଜିଲାରେ ରବିବାର ବିଳମ୍ବିତ ରାତିରେ ତାଲିବାନ ଆତଙ୍କବାଦୀଙ୍କ ଆକ୍ରମଣରେ ୨୨ ଜଣ ପୁଲିସ୍ କର୍ମୀଙ୍କ ମୃତ୍ୟୁ ଘଟିଛି। ପୁଲିସ୍ ମୁଖପାତ୍ର ମୋହେବୁଲ୍ଲାହ ମୋହେବ ସୋମବାର କହିଛନ୍ତି ଯେ ଫାରହଠାରେ ତାଲିବାନ ଆତଙ୍କବାଦୀ ଏବଂ ପୁଲିସ୍ କର୍ମୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ଘଟଣାସ୍ଥଳରୁ ୨୨ ଜଣ ପୁଲିସ୍ କର୍ମୀଙ୍କ ମୃତଦେହ ଉଦ୍ଧାର କରାଯାଇଛି। କେତେକ ଆହତ ପୁଲିସ୍ କର୍ମୀଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି।
ଅପରପକ୍ଷରେ ତାଲିବାନ ମୁଖପାତ୍ର କ୍ୱାରି ୟୁସୁଫ ଆହମଦି ଦାବି କରିିଛନ୍ତି ଯେ ଗୁଳି ବିନିମୟରେ ୨୫ ଜଣ ପୁଲିସ୍ କର୍ମୀଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ପୁଲିସ୍ର ବରିଷ୍ଠ ଅଧିକାରୀ ମଧ୍ୟ ଅଛନ୍ତି। ସେଠାରେ ୪ଟି ଗାଡ଼ିକୁ ଧ୍ୱଂସ କରିଦିଆଯାଇଛି ଓ ବିପୁଳ ପରିମାଣର ଅସ୍ତ୍ରଶସ୍ତ୍ର ହାତେଇବାରେ ତାଲିବାନ ସଫଳ ହୋଇଛି।