ଭୁବନେଶ୍ୱର : ରାଜ୍ୟ ବିଧାନସଭାରେ ଗୁରୁବାର ବିଧାନ ପରିଷଦ ସଂକଳ୍ପ ଆଗତ ହେବ । ବିଧାନ ପରିଷଦ ପ୍ରତିଷ୍ଠା ପାଇଁ ରାଜ୍ୟ ସରକାର ଗଠନ କରିଥିବା ସ୍ୱତନ୍ତ୍ର କମିଟି ଚାରୋଟି ରାଜ୍ୟ ଗସ୍ତ କରି ସରକାରଙ୍କୁ ଦେଇଥିବା ରିପୋର୍ଟ ମଧ୍ୟ ଆଜି ଗୃହରେ ଉପସ୍ଥାପନା କରାଯିବ।
୨୦୧୫ ମସିହା ଜାନୁଆରୀରେ ରାଜ୍ୟ ସରକାର ଏକ ସ୍ୱତନ୍ତ୍ର କମିଟି ଗଠନ କରିଥିଲେ। ଏହି କମିଟି ଚାରୋଟି ରାଜ୍ୟ ଗସ୍ତ କରିଥିଲା । ଗସ୍ତ ପରେ ବିଭିନ୍ନ ରାଜ୍ୟମାନଙ୍କରେ ବିଧାନ ପରିଷଦ ସମ୍ବନ୍ଧରେ ଏକ ସଂକଳ୍ପ ରିପୋର୍ଟ ସରକାରଙ୍କୁ ପ୍ରଦାନ କରିଥିଲେ । ଯାହାକି କ୍ୟାବିନେଟର ଅନୁମୋଦନ ଲାଭ କରିଥିଲା।
ଆଜି ସରକାରଙ୍କ ପକ୍ଷରୁ ଏହି ସଂକଳ୍ପ ଆଗତ ହେବ। ତେବେ ତେଲଙ୍ଗାନାରେ ଗଠିତ ହୋଇଥିବା ବିଧାନ ପରିଷଦ ଢ଼ାଞ୍ଚାରେ ଓଡିଶାରେ ବିଧାନ ପରିଷଦ ଗଠନ କରାଯିବା ନେଇ ସ୍ଥିର ହୋଇଛି।
ଅନ୍ୟ ପକ୍ଷରେ ତୈଳ ଦର ବୃଦ୍ଧି ଓ ଶିକ୍ଷକଙ୍କ ଆନ୍ଦୋଳନକୁ ନେଇ ବୁଧବାର ଗୃହରେ ହଟ୍ଟଗୋଳ ଲାଗି ରହିଥିଲା । ଆଜି ମଧ୍ୟ ଏହି ଦୁଇ ପ୍ରସଙ୍ଗକୁ ନେଇ ବିରୋଧୀ ଦଳ ଗୃହରେ ଆଲୋଚନା ପାଇଁ ଦାବି କରିବାର ସମ୍ଭାବନା ରହିଛି ।
