ଆରଡ଼ି: ଭଦ୍ରକ ଜିଲା ଆରଡ଼ିର ବାବା ଆଖଣ୍ଡଳମଣିଙ୍କ ମନ୍ଦିର ରାଜ୍ୟର ଏକ ପୁରାତନ ଶୈବପୀଠ ଭାବେ ମାନ୍ୟତା ପାଇଥିଲେ ମଧ୍ୟ ରାଜ୍ୟ ପତ୍ନତତ୍ତ୍ବ ବିଭାଗର ଅଣଦେଖା ଯୋଗୁ ମନ୍ଦିରର ଅନେକ ସ୍ଥାନ ଅସୁରିକ୍ଷିତ ହୋଇ ପଡିବା ସହିତ ବିଗତ ୨ବର୍ଷ ହେବ ସ୍ୱୟଂ ମଣିବାବା ଭଙ୍ଗା ରତ୍ନପଲଙ୍କରେ ଶୟନ କରୁଛନ୍ତି। ସେହିପରି ୬ମାସରୁ ଉଦ୍ର୍ଦ୍ବ ହେବ ଗମ୍ଭୀରା ଘରେ କନିକା ରାଜାସାହେବଙ୍କ ଦ୍ୱାରା ଲାଗିଥିବା ଜାଉଁଳି ରତ୍ନ କବାଟ ମଧ୍ୟ ଦୃବଳ ହୋଇ ପଡିଥିବା ବେଳେ କବାଟ ଉପରଭାଗରେ ଛାଉଣୀ ହୋଇଥିବା ପିତଳ ଚାଦର ଓହଳି ରହିଛି। ତାହାସହ ମଣିବାବାଙ୍କ ସେବାପୂଜା ଓ ନୀତିଭୋଗର ଯାତାୟତ ରାସ୍ତା ଗଳିଘର ଗୁୁମୁଟରେ ବର୍ଷା ପାଣି ଗଳୁଥିବାରୁ ଅନେକ ସମୟରେ ଭୋଗ ନଷ୍ଟ ହେଉଥିବା ସେବାୟତମାନେ ପ୍ରକାଶ କରିଛନ୍ତି। ମୁକ୍ତିମଣ୍ଡପ ଛାତ ଅସୁରିକ୍ଷିତ ହୋଇ ପଡିବା ସହ ବର୍ଷା ଋତୁରେ କୈାଣସି ସେବାପୂଜା ହୋଇ ପାରୁନଥିବା ସେବାକରୀମାନେ ପ୍ରକାଶ କରିଛନ୍ତି। ସେପଟେ ଗମ୍ଭୀରାଘରେ ମଣିବାବାଙ୍କ ଆସ୍ଥାନ ନିକଟରେ ପଥରଖଣ୍ଡ ଦବୁଥିବାରୁ ବିଗ୍ରହ ଚତୁଃପାର୍ଶ୍ବ ଦୃବଳ ହେବାରେ ଲାଗିଛି। ଏପରି ସମସ୍ୟା ବାବଦରେ ମନ୍ଦିର ସେବାୟତ ଓ ପ୍ରଶାସନ ପକ୍ଷରୁ ରାଜ୍ୟ ପତ୍ନତତ୍ତ୍ବ ବିଭାଗକୁ ଜଣାଯାଉଥିଲେ ମଧ୍ୟ କୈାଣସି ସୁଫଳ ମିଳୁନଥିବା ମନ୍ଦିରର ବରିଷ୍ଠ ସେବାୟତ ପ୍ରକାଶ କରିଛନ୍ତି। ରାଜ୍ୟର ପର୍ଯ୍ୟଟନସ୍ଥଳ ଗୁଡିକୁ ଅକ୍ଷୁଣ୍ୟ ରଖିବା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ବାର୍ଷିକ କୋଟି କୋଟି ଟଙ୍କା ବ୍ୟୟ ବରାଦ କରାଯାଉଥିଲେ ମଧ୍ୟ ତାହା ଆଖଣ୍ଡଳମଣିଙ୍କ ମନ୍ଦିର ପାଇଁ ସ୍ୱପ୍ନ ପାଲଟିଛି। ଫଳରେ ଐତିହ୍ୟ ପର୍ଯ୍ୟଟନକ୍ଷେତ୍ର ଆଖଣ୍ଡଳମଣି ପୀଠ ଦିନକୁଦିନ ଅସୁରିକ୍ଷିତ ହୋଇ ପଡିବା ସହ ମନ୍ଦିରର ବହୁ ଧନସମ୍ପତ୍ତି ନଷ୍ଟ ହୋଇଯିବ ବୋଲି ବୁଦ୍ଧିଜୀବି ମହଲରେ ପ୍ରକାଶ ପାଇଛି। ତୁରନ୍ତ ଏଥିପ୍ରତି ରାଜ୍ୟ ସରକାର ଦୃଷ୍ଟି ଦେବା ସହ ଭଗ୍ନ ହେବାକୁ ବସିଥିବା ମଣିବାବଙ୍କ ସମ୍ପତ୍ତିର ଉଦ୍ଧାର ପାଇଁ ଭକ୍ତ ଓ ସେବାୟତଙ୍କ ମହଲରେ ଦାବି ହୋଇଛି।
Popular Categories
Previous article
Next article