ଆରଡି : ଆରଡିଫାଣ୍ଡି ଅଧିନସ୍ଥ ମୁଆଁ ଗାଁର ୨ ଭଉଣୀଙ୍କ ମୃତଦେହ ଉଦ୍ଧାର କରାଯାଇଛି। ଉଭୟ ୨ ଭଉଣୀ ଗତ ଶୁକ୍ରବାର ଠାରୁ ନିଖୋଜ ଥିଲେ। ଉଭୟ ୨ ଭଉଣୀଙ୍କ ମୃତଦେହ ଆଜି ବୈତରଣୀ ନଦୀରୁ ଉଦ୍ଧାର ହୋଇଛି। ବାପିନ ଦାସଙ୍କ ଝିଅ ବର୍ଷାରାଣୀ ଦାସ ଓ ପିତାମ୍ବର ଦାସଙ୍କ ଝିଅ ଭୂମିକା ଦାସ ଗତ ଶୁକ୍ରବାର ଠାରୁ ନିଖୋଜ ଥିବାବେଳେ ଉଭୟଙ୍କର ମୃତ ଦେହଆଜି ପୃଥକ ଭାବେ ବୈତରଣୀନଦୀର କଇଁଗୋଲା ଘାଟରୁ ବର୍ଷାରାଣୀକୁ ଉଦ୍ଧାର କରାଯାଇଥିବା ବେଳେ ମୁଆଁ ଘାଟରୁ ଭୂମିକାକୁ ଉଦ୍ଧାର କରିଥିଲେ ସ୍ଥାନୀୟ ଲୋକ ଓ ଅଗ୍ନିଶମ ବାହିନୀ।
ସୂଚନା ଅନୁଯାୟୀ ବାପିନ ଦାସଙ୍କ ଝିଅ ବର୍ଷାରାଣୀ ଚଳିତବର୍ଷ ୧୦ମ ଶ୍ରେଣୀ ବୋର୍ଡ ପରୀକ୍ଷା ଦେଇଥିବା ବେଳେ ପିତାମ୍ବର ଦାସଙ୍କ ଝିଅ ଭୂମିକା ଯୁକ୍ତ ଦୁଇ ପରୀକ୍ଷା ଦେଇଥିଲେ।
୨ଜଣ ଗତକାଲି ମଧ୍ୟାହ୍ନରୁ ବୈତରଣୀନଦୀରେ ନିଖୋଜ ଥିବା ପରିବାର ଲୋକ କହିଛନ୍ତି। କେଉଁ କାରଣ ପାଇଁ ୨ଭଉଣୀ ବୈତରଣୀନଦୀକୁ ଯାଇଥିଲେ ତାହାର କାରଣ ଅଷ୍ପଷ୍ଟ ରହିଛି। ଆରଡି ପୁଲିସ ଓ ମଙ୍ଗଳପୁର ପୁଲିସ ମୃତଦେହକୁ ଜବତ କରିବା ସହ ତଦନ୍ତ ଜାରି ରଖିଛି।
ସ୍ଥାନୀୟ ଲୋକଙ୍କ କହିବା ଅନୁଯାୟୀ ୨ଭଉଣୀ ସାଙ୍ଗ ହୋଇ ଗତ ଶୁକ୍ରବାର ଅପରାହ୍ଣରୁ ଗାଁ ନିକଟରେ ଥିବା ବୈତରଣୀନଦୀ କୂଳରେ ବୁଲୁଥିଲେ। ଏପରିକି ଗତକାଲି ଠାରୁ ୨ଜଣ ଘରକୁ ଫେରିନଥିବାରୁ ଘରଲୋକ ଖୋଜାଖୋଜି କରୁଥିଲେ। ଏକକାଳୀନ ୨ଜଣଙ୍କର ମୃତଦେହ ଆଜି ବୈତରଣୀନଦୀ ମିଳିବା ପରେ ଭିନ୍ନ ଭିନ୍ନ ମତପ୍ରକାଶ ପାଇଛି। ଉଭୟଙ୍କ ମୃତ୍ୟୁ ଖବର ଗାଁରେ ଶୋକର ଛାୟା ଖେଳାଇଦେଇଛି।
