ନୂଆଦିଲ୍ଲୀ : ଟେକ୍ କମ୍ପାନୀ ଆପଲ ଭାରତରେ ନୂଆ M3 ଚିପ୍ ସହିତ ୨ଟି ନୂଆ ଲାପଟପ୍ ଆପଲ ମ୍ୟାକବୁକ୍ ଏୟାର ଲଞ୍ଚ୍ କରିଛି । ଏଗୁଡିକୁ ୧୩ ଏବଂ ୧୫ ଇଞ୍ଚର ସ୍କ୍ରିନ୍ ସାଇଜ ବିକଳ୍ପ ସହିତ ବଜାରକୁ ଅଣାଯାଇଛି । କମ୍ପାନୀ କହିଛି କି ଏଥିରେ ୨ ଟିବି ପର୍ଯ୍ୟନ୍ତ ଷ୍ଟୋରେଜ୍ ଏବଂ ୧୮ ଘଣ୍ଟାର ବ୍ୟାଟେରୀ ଲାଇଫ୍ ମିଳିବ ।
୧୩ ଇଞ୍ଚ ମଡେଲର ପ୍ରାରମ୍ଭିକ ଦାମ୍ ୧,୧୪,୯୦୦ ଟଙ୍କା ଏବଂ ୧୫ ଇଞ୍ଚ ମଡେଲର ପ୍ରାରମ୍ବିକ ଦାମ୍ ୧,୩୪,୯୦୦ ଟଙ୍କା ରଖାଯାଇଛି । ଏହା ୮ କୋର୍ ଜିପିୟୁ ବିକଳ୍ପ ଏବଂ ୧୦ କୋର୍ ଜିପିୟୁ ପିକଳ୍ପରେ ଆସିଥାଏ । ମ୍ୟାକବୁକ୍ ଏୟାର ପାଇଁ ପ୍ରି-ଅର୍ଡର ଆରମ୍ଭ କରିଦିଆଯାଇଛି । ଏହା ୮ ମାର୍ଚ୍ଚରୁ ଅଫିସିଆଲ ଓ୍ବେବସାଇଟ୍ ଏବଂ ଷ୍ଟୋରରେ ବିକ୍ରି ପାଇଁ ଉପଲବ୍ଧ ହେବ । ଏହା ବ୍ୟତୀତ ଆପଣ ଏହାକୁ ଆପଲ ଅଥୋରାଇଜ୍ଡ ରିସେଲର୍ସଙ୍କ ପାଖରୁ ମଧ୍ୟ କ୍ରୟ କରିପାରିବେ ।
Comments are closed.