ନୂଆଦିଲ୍ଲୀ: ଲାଦାଖର ଗଲୱାନ ଘାଟିରେ ଚୀନ ଓ ଭାରତୀୟ ଯବାନଙ୍କ ମଧ୍ୟରେ ସଂଘର୍ଷ ଏବଂ ୨୦ ଜଣ ଯବାନଙ୍କ ମୃତ୍ୟୁ ପରେ ସର୍ବଦଳୀୟ ବୈଠକରେ ଏ ପ୍ରସଙ୍ଗରେ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ବୈଠକରେ ବିଭିନ୍ନ ଦଳକୁ ସାମିଲ କରାଯାଇଛି । ୧୭ଟି ଦଳ ଏଥିରେ ସାମିଲ ହୋଇଛନ୍ତି । ହେଲେ ଆମ୍ ଆଦମୀ ପାର୍ଟି ଓ ଆରଜେଡ଼ିକୁ ଏହି ବୈଠକରେ ଯୋଗ ଦେବାକୁ ନିମନ୍ତ୍ରଣ କରାଯାଇ ନାହିଁ । ଲୋକସଭାରେ ୫ ବା ତହିଁରୁ ଅଧିକ ସାଂସଦ ଥିବା ଦଳକୁ ଏହି ବୈଠକରେ ସାମିଲ କରାଯାଇଥିବା ସରକାରଙ୍କ ପକ୍ଷରୁ କୁହାଯାଇଛି । ତେବେ ଏହାକୁ ନେଇ ଆପତ୍ତି ଉଠାଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ମୁଖ୍ୟ ଅରବିନ୍ଦ କେଜରିୱାଲ ଏବଂ ଆରଜେଡ଼ି ନେତା ତେଜସ୍ବୀ ଯାଦବ ।
केन्द्र में एक अजीब अहंकार ग्रस्त सरकार चल रही है आम आदमी पार्टी की दिल्ली में सरकार है पंजाब में मुख्य विपक्षी पार्टी है 4 सांसद हैं देश भर में संगठन लेकिन किसी महत्वपूर्ण विषय पर भाजपा को AAP की राय नही चाहिये कल की बैठक में प्रधानमंत्री जी क्या बोलेंगे पूरे देश को इंतज़ार है?
— Sanjay Singh AAP (@SanjayAzadSln) June 18, 2020
ଆପ୍ ସାଂସଦ ସଞ୍ଜୟ ସିଂହ କହିଛନ୍ତି ଯେ ଆମେ ଗୋଟିଏ ରାଜ୍ୟରେ ସରକାରରେ ରହିଛୁ । ପଞ୍ଜାବରେ ଆମେ ମୁଖ୍ୟ ବିରୋଧୀ ଦଳ । ଏହା ସତ୍ବେ ଆମକୁ ସରକାର ଆଲୋଚନାରେ ଅଂଶଗ୍ରହଣ କରିବାକୁ ନିମନ୍ତ୍ରଣ କରି ନାହାନ୍ତି । ବିଜେପି ଚୀନ-ଭାରତ ବିବାଦ ସମ୍ପର୍କରେ ଆମକୁ ଅବଗତ କରିବା ବା ଆମର ମତାମତ ନେବାକୁ ଉଚିତ୍ ମଣିନାହିଁ ବୋଲି ସେ କ୍ଷୋଭ ପ୍ରକାଶ କରିଛନ୍ତି ।
ସେହିପରି ଆରଜେଡ଼ି ତଥା ବିହାର ବିରୋଧୀ ଦଳ ନେତା ତେଜସ୍ବୀ ଯାଦବ ମଧ୍ୟ ସରକାରଙ୍କ ଆଭିମୁଖ୍ୟକୁ ନେଇ ପ୍ରଶ୍ନ ଉଠାଇଛନ୍ତି । କାହିଁକି ତାଙ୍କ ଦଳକୁ ସର୍ବଦଳୀୟ ବୈଠକରେ ସାମିଲ କରାଯାଇ ନାହିଁ ସେଥିନେଇ ସେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂହଙ୍କଠାରୁ ସ୍ପଷ୍ଟୀକରଣ ଲୋଡ଼ିଛନ୍ତି ।
Rashtriya Janata Dal is the largest party in Bihar & it has 5 MPs in the Parliament but we have not been invited to today’s all-party meeting on #IndiaChinaFaceOff. We want Rajnath Singh ji to clarify as to why RJD hasn’t been invited: Bihar Leader of Opposition Tejashwi Yadav pic.twitter.com/1HN8rby3T3
— ANI (@ANI) June 19, 2020
ସେ କହିଛନ୍ତି ଯେ ଆମ ଦଳରେ ୫ ସାଂସଦ ଅଛନ୍ତି । ଆମେ ବିହାରରେ ମୁଖ୍ୟ ବିରୋଧୀ ଦଳ । ଏହା ସତ୍ତ୍ବେ ତାଙ୍କୁ କାହିଁକି ବୈଠକକୁ ନିମନ୍ତ୍ରଣ କରାଯାଇ ନାହିଁ ସେ ସମ୍ପର୍କରେ ପ୍ରତିରକ୍ଷା ମନ୍ତ୍ରୀ ଉତ୍ତର ରଖିବା ଆବଶ୍ୟକ ।
