ଡେସ୍କ: ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା କହିଛନ୍ତି ଯେ ବିପର୍ଯ୍ୟୟ ପରିଚାଳନାରେ ଦେଶ ସ୍ରେଷ୍ଟ କାର୍ଯ୍ୟ ପ୍ରଣାଳୀ ଗ୍ରହଣ କରୁଛି। ସେ କହିଛନ୍ତି, ଦେଶରେ ଜାତୀୟ ବିପର୍ଯ୍ୟୟ ମୁକାବିଲା ବାହିନୀ (ଏନଡିଆରଏଫ) ମୁତୟନ କରାଯାଇଛି। କୌଣସି ପ୍ରକାର ବିପର୍ଯ୍ୟୟରେ ଯେପରି କୌଣସି କ୍ଷୟକ୍ଷତି ନହୁଏ ସେଥିପାଇଁ ଏନଡିଆରଏଫ ସର୍ବଦା ଲକ୍ଷ୍ୟ ରଖିବା ଉଚିତ ବୋଲି ସେ କହିଛନ୍ତି।
ପର୍ବତାରୋହଣ ମିଶନ ବିଜୟର ପତାକା ଉତ୍ତୋଳନ ସମାରୋହରେ ଯୋଗଦେଇ ଶ୍ରୀ ଶାହା କହିଛନ୍ତି ଯେ, କେବଳ ଭାରତରେ ନୁହେଁ ସମଗ୍ର ବିଶ୍ୱରେ ଯେଉଁଠି ବି ବିପର୍ଯ୍ୟୟ ଆସିଥାଏ, ସେଠାରେ ଦେଶ ଓ ବିଶ୍ୱର ଲୋକମାନେ ଏନଡିଆରଏଫ ଆଡକୁ ଚାହିଁଥାନ୍ତି। ପରିସ୍ଥିତି ଯେତେ ପ୍ରତିକୂଳ ହେଉ ନା କାହିଁକି ଏନଡିଆରଏଫ ଏହା ଜାରି ରଖିବ ବୋଲି ସେ କହିଛନ୍ତି। ଯଦି ଏନଡିଆରଏଫର ଯବାନ ମାନେ ସେଠାରେ ଥାଆନ୍ତି ତେବେ ବିପର୍ଯ୍ୟୟରେ ଫସି ରହିଥିବା ଲୋକଙ୍କ ମନୋବଳ ବହୁଗୁଣିତ ହୋଇଯାଏ । ଗୃହମନ୍ତ୍ରୀ କହିଛନ୍ତି ଯେ ଏନଡିଆରଏଫର ଆଧୁନିକୀକରଣ ପାଇଁ ନରେନ୍ଦ୍ର ମୋଦି ସରକାର କୌଣସି ସୁଯୋଗ ଛାଡି ନାହାନ୍ତି। ଏହି ଅବସରରେ ଶ୍ରୀ ଶାହା ଘୋଷଣା କରିଛନ୍ତି ଯେ ସରକାର ଏନଡିଆରଏଫ ଯବାନଙ୍କ ପାଇଁ ‘ହାଜର୍ଡ ଆଣ୍ଡ ହାର୍ଡ ଏରିଆ ଭତ୍ତା’କୁ ଅନୁମୋଦନ କରିଛନ୍ତି।
ପର୍ବତାରୋହଣ ଅଭିଯାନର ସଫଳତା ପାଇଁ ଟିମ୍ ଏବଂ ସମଗ୍ର ଏନଡିଆରଏଫ ଟିମକୁ ସମ୍ବର୍ଦ୍ଧିତ କରାଯାଇଥିଲା। ଏହି ଅବସରରେ କେନ୍ଦ୍ର ଗୃହ ସଚିବ ଅଜୟ କୁମାର ଭଲ୍ଲା ଏବଂ ଏନଡିଆରଏଫ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ।
ପୂର୍ବତନ ଉପରାଷ୍ଟ୍ରପତି ଭେଙ୍କିଆ ନାଇଡୁଙ୍କ ଜୀବନୀ ଉପରେ ଆଧାରିତ ୩ଟି ପୁସ୍ତକ ଉନ୍ମୋଚନ କରିବେ ପ୍ରଧାନମନ୍ତ୍ରୀ
Comments are closed.