ୱାଶିଂଟନ: ଜାତିସଂଘ ଦ୍ବାରା ଘୋଷିତ ଆତଙ୍କବାଦୀ ସଂଗଠନଗୁଡ଼ିକୁ ପାଣ୍ଠି ଯୋଗାଇବା ଏବଂ ଅନ୍ୟାନ୍ୟ ଆର୍ଥିକ ସହାୟତା ତୁରନ୍ତ ବନ୍ଦ କରିବାକୁ ଆମେରିକା ପାକିସ୍ତାନକୁ ନିର୍ଦେଶ ଦେଇଛି। କାଳ ବିଳମ୍ବ ନ କରି ଏହି ପଦକ୍ଷେପ ନେବା ଲାଗି ଆମେରିକା କହିଛି। ଆମେରିକା ଆହୁରି କହିଛି ଯେ, ବେଆଇନ ଘୋଷିତ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦ(ଜେଇଏମ) ଯେପରି ଆଗାମୀ ଭବିଷ୍ୟତରେ କୌଣସି ଆକ୍ରମଣ ନ ଘଟାଇବ ସେଥିଲାଗି ଦେଶ କାର୍ଯ୍ୟାନୁଷ୍ଠାନ ଗ୍ରହଣ କରୁ। ଆମେରିକାର ଜଣେ ମୁଖପାତ୍ର କହିଛନ୍ତି, ପାକିସ୍ତାନ ୨୦୦୨ରେ ଜେଇଏମକୁ ବୈଆଇନ ଘୋଷିତ କରିଛି। କିନ୍ତୁ ଏବେ ବି ଉକ୍ତ ସଂଗଠନ ପାକିସ୍ତାନରେ ଅପରେଟ କରୁଛି। ଆମେରିକା ଜେଇଏମକୁ ୨୦୦୧ରେ ବିଦେଶୀ ଆତଙ୍କବାଦୀ ସଂଗଠନ ଭାବେ ଘୋଷଣା କରିଛି ଏବଂ ଭବିଷ୍ୟତରେ ସଂଗଠନ ଯେମିତି ଆକ୍ରମଣ କରି ନ ପାରିବ ସେ ଦିଗରେ କାର୍ଯ୍ୟପନ୍ଥା ଗ୍ରହଣ କରାଯାଇଛି। ଆମେ ମଧ୍ୟ ଆଶା କରୁଛୁ ପାକସ୍ତାନ ବି ତାହାର ଦାୟିତ୍ବ ପାଳନ କରୁ। ଅନ୍ୟପଟେ ଟ୍ରମ୍ଫ ପ୍ରଶାସନ ପାକିସ୍ତାନ ନିଜକୁ ଆତଙ୍କବାଦ ମୁକ୍ତ କରିବା ସହ ଆତଙ୍କବାଦୀ ସଂଗଠନଗୁଡ଼ିକୁ ସମର୍ଥନ କରିବା ବନ୍ଦ କରୁ ବୋଲି ନିର୍ଦେଶ ଦେଇଛି।
ପାକିସ୍ତାନକୁ ଆମେରିକାର ନିର୍ଦେଶ: ଆତଙ୍କବାଦୀ ସଂଗଠନକୁ ପାଣ୍ଠିଦେବା ତୁରନ୍ତ ବନ୍ଦ କର
Popular Categories
Previous article
Next article