ମୋହନା : ଗଜପତି ଜିଲ୍ଲା ଚନ୍ଦ୍ରଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଅଞ୍ଚଳବାସୀଙ୍କ ସୁବିଧା ପାଇଁ ଜିଲ୍ଲା ପ୍ରଶାସନ ପକ୍ଷରୁ ପ୍ରଦାନ କରାଯାଇଥିବା ଏକ ଆମ୍ବୁଲାନ୍ସକୁ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ. ପ୍ରଦୀପ କୁମାର ପାତ୍ର ପତାକା ଦେଖାଇ ଶୁଭାରମ୍ଭ କରିଛନ୍ତି । ୧୦୮ ଜରୁରୀ ପରିସ୍ଥିତିରେ ବାହାରକୁ ଯାଇଥିବା ଓ ସଠିକ ସ୍ଥାନରେ ପହଞ୍ଚିବାରେ ସମସ୍ୟା ଦେଖାଦେବା ଫଳରେ ହଠାତ ରୋଗୀଙ୍କୁ ନେବା ଆଣିବା କରିବାରେ ଏହି ଆମ୍ବୁଲାନ୍ସ କାର୍ଯ୍ୟ କରିବ । ଏହି ଆମ୍ବୁଲାନ୍ସ ବ୍ୟବହାର ପାଇଁ ରୋଗୀଙ୍କୁ ସରକାରଙ୍କ ନିୟମ ଅନୁଯାୟୀ ଅର୍ଥ ଦେବାକୁ ପଡ଼ିବ ବୋଲି ଡ. ପାତ୍ର କହିଛନ୍ତି । ଅଞ୍ଚଳବାସୀଙ୍କର ବହୁ ଦିନର ଆଶା ପୂରଣ ହୋଇଥିବାରୁ ସମସ୍ତେ ଖୁସିବ୍ୟକ୍ତ କରିଛନ୍ତି ଓ ଜିଲ୍ଲା ପ୍ରଶାସନକୁ ଧନ୍ୟବାଦ ଦେଇଛନ୍ତି । ଏହି କାର୍ଯ୍ୟକ୍ରମରେ ଭାରପ୍ରାପ୍ତ ଚିକିତ୍ସା ଅଧିକାରୀ ଡ.ଉଲ୍ଲାସ ରାଉତ ଓ ସ୍ୱାସ୍ଥ୍ୟ କେନ୍ଦ୍ରର ସମସ୍ତ କର୍ମଚାରୀ ଉପସ୍ଥିତ ଥିଲେ।
Popular Categories
Previous article
Next article