କଟକ: ଓଡ଼ିଶା ପୁଲିସ ଆନୁକୂଲ୍ୟରେ କଳିଙ୍ଗ ଷ୍ଟାଡିୟମ ହକି କଂପ୍ଲେକ୍ସରେ ଚାଲିଥିବା ଚାଲିଥିବା ୭୩ତମ ସର୍ବଭାରତୀୟ ପୁଲିସ ହକି ଚମ୍ପିଆନସିପ୍ – ୨୦୨୫ର ଶୁକ୍ରବାର ୭ଟି ମ୍ୟାଚ ଖେଳାଯାଇଥିଲା। ପୁରୁଷ ବିଭାଗରେ କର୍ଣ୍ଣାଟକ ପୁଲିସ ୪-୨ ଗୋଲରେ ଜାମ୍ମୁ କାଶ୍ମୀର ପୁଲିସ ଦଳକୁ, ମଣିପୁର ପୁଲିସ ୮-୨ ଗୋଲରେ ଛତିଶଗଡ଼ ପୁଲିସ ଦଳକୁ, ଝାଡ଼ଖଣ୍ଡ ପୁଲିସ ଦଳ ୩-୨ ଗୋଲରେ ପଶ୍ଚିମବଙ୍ଗ ପୁଲିସ ଦଳକୁ, ରାଜସ୍ଥାନ ପୁଲିସ ୧୪-୦ ଗୋଲରେ ଚଣ୍ଡୀଗଡ ପୁଲିସ ଦଳକୁ ପରାସ୍ତ କରିଛି। ମହିଳା ବିଭାଗରେ ସିଆରପିଏଫ ୮-୦ ଗୋଲରେ ହରିୟାନା ପୁଲିସ ଦଳକୁ, ଘରୋଇ ଓଡିଶା ପୁଲିସ ଦଳ ୩-୨ ଗୋଲରେ ମହାରାଷ୍ଟ୍ର ପୁଲିସ ଦଳକୁ ଓ ସିଆଇଏସଏଫ ୧୨-୦ ଗୋଲରେ ହରିୟାନା ପୁଲିସ ଦଳକୁ ପରାସ୍ତ କରିଛି।
ଅତିଥି ଭାବେ ରାଜ୍ୟ ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମୁକେଶ ମହାଲିଙ୍ଗ, ପଞ୍ଚାୟତିରାଜ ଏବଂ ପାନୀୟ ଜଳ ବିଭାଗ ମନ୍ତ୍ରୀ ରବି ନାରାୟଣ ନାୟକ, ଅର୍ଥ ବିଭାଗର ସ୍ବତନ୍ତ୍ର ସଚିବ ୟାମିନୀ ଷଡଙ୍ଗୀ, ଆରକ୍ଷୀ ମହାନିର୍ଦେଶକ ସୁଶାନ୍ତ କୁମାର ନାଥ, ଅତିରିକ୍ତ ଆରକ୍ଷୀ ମହାନିର୍ଦେଶକ (ଆଇନ ଓ ଶୃଙ୍ଖଳା) ସଞ୍ଜୟ କୁମାର, ପରିବହନ କମିଶନର ଅମିତାଭ ଠାକୁର, ଡିଆଇଜି (ଏସଆଇଡବ୍ଲୁ) ଡ଼ା କନୱର ବିଶାଲ ସିଂ, ଏସପି (କଟକ) ପ୍ରତୀକ ସିଂ ପ୍ରମୁଖ ଯୋଗ ଦେଇଥିଲେ।
Comments are closed.