ଅମୃତସର : ସ୍ବର୍ଣ୍ଣମନ୍ଦିରରେ ‘ବ୍ଲୁ ଷ୍ଟାର ଅପରେସନ୍’ର ୩୬ତମ ବର୍ଷ ପୂର୍ତ୍ତି ପାଳନ ଅବସରରେ ଶନିବାର ଖଲିସ୍ତାନ ସପକ୍ଷବାଦୀ େସ୍ଲାଗାନ୍ ଶୁଣାଯାଇଛି। ପୂର୍ବତନ ସାଂସଦ ତଥା ଅକାଳି ନେତା ସିମରନ୍ଜିତ୍ ସିଂହ ମାନ୍ଙ୍କ ପୁଅ ତଥା ଶିରୋମଣି ଅକାଳି ଦଳ (ଅମୃତସର) ନେତା ଇମାନ୍ ସିଂହ ମାନ୍ଙ୍କ ନେତୃତ୍ବରେ ପ୍ରାୟ ୧୦୦ ଶିଖ ଅକଲତାଖ୍ତ ପରିସରରେ ଏହି ସ୍ଲୋଗାନ ଦେଇଛନ୍ତି। ଅକଲ ତାଖତ୍ ହେଉଛି ଶିଖମାନଙ୍କର ସର୍ବୋଚ୍ଚ ଧାର୍ମିକ ନୀତିନିର୍ଦ୍ଧାରଣ ସଂସ୍ଥା। ଅକଲ ତାଖତ୍ର ସମାନ୍ତରାଳ ନେତା (ଜାଠେଦାର) ଧ୍ୟାନ୍ ସିଂହ ମାନ୍ ଘଟଣାସ୍ଥଳରେ ଉପସ୍ଥିତ ସମର୍ଥକଙ୍କୁ ଖଲିସ୍ତାନ ଗଠନ ସପକ୍ଷରେ ଉଦ୍ବୋଧନ ଦେଇଥିଲେ। ଏହି କାର୍ଯ୍ୟକ୍ରମରେ ଶିଖ କଠୋରପନ୍ଥୀ ସଂଗଠନ ‘ଦମଦମୀ ତକସଲ’ର ନେତା ତଥା ଅକଲ ତାଖତ୍ ଜାଠେଦାର ଜ୍ଞାନୀ ହରପ୍ରୀତ୍ ସିଂହ, ଶିରୋମଣି ଗୁରୁଦ୍ବାର ପ୍ରବନ୍ଧକ କମିଟି (ଏସ୍ଜିପିସି) କାର୍ଯ୍ୟକର୍ତ୍ତାଙ୍କୁ ସମ୍ମାନିତ କରାଯାଇଥିଲା। ୧୯୮୪ରେ ଖଲିସ୍ତାନ ଆତଙ୍କବାଦୀଙ୍କୁ ହଟାଇବା ପାଇଁ ହୋଇଥିବା ଅପରେସନ୍ରେ ମୃତକଙ୍କ ପରିବାରକୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା। ଏହି କାର୍ଯ୍ୟକ୍ରମ ସମୟରେ ବହୁତ ପୁଲିସ କର୍ମଚାରୀ ଉପସ୍ଥିତି ସତ୍ତ୍ବେ କରୋନା ମାର୍ଗଦର୍ଶିକାର ଉଲ୍ଲଙ୍ଘନ କରି ୧୦୦୦ରୁ ଅଧିକ ଖଲିସ୍ତାନ ସମର୍ଥକ ଏଥିରେ ସାମିଲ ହୋଇଥିଲେ। ମନ୍ଦିର ପ୍ରବେଶ ନେଇ ପୁଲିସ ଓ ଖଲିସ୍ତାନ ସମର୍ଥକଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା ଓ ଏଥିରେ ମାନ୍ ସାମାନ୍ୟ ଆହତ ହୋଇଛନ୍ତି। ପୂର୍ବାହ୍ଣରେ ବହୁ ସଂଖ୍ୟକ ଲୋକଙ୍କୁ ସକାଳେ ମନ୍ଦିରରେ ପ୍ରବେଶ ଅନୁମତି ଦିଆଯାଇ ନ ଥିଲା। ଗଣ୍ଡଗୋଳ ପରେ ପୁଲୁିସ ସମସ୍ତଙ୍କୁ ପ୍ରବେଶ ଅନୁମତି ମିଳିଥିଲା।
Popular Categories
Previous article
Next article