ଲଣ୍ଡନ : ବୋମା ଧମକ ମଳିବା ପରେ ଗୁରୁବାର ଏୟାର ଇଣ୍ଡିଆର ଏକ ଯାତ୍ରୀବାହୀ ବିମାନକୁ ଲଣ୍ଡନ ବିମାନ ବନ୍ଦରରେ ଜରୁରୀ ଅବତରଣ କରାଯାଇଛି। ଏୟାର ଇଣ୍ଡିଆ ପକ୍ଷରୁ ଟ୍ୱିଟ୍ ଯୋଗେ ଏହି ସୂଚନା ଦିଆଯାଇଛି।
ସୂଚନା ଅନୁସାରେ ଏୟାର ଇଣ୍ଡିଆ ବିମାନ ନଂ-ଏଆଇ୧୯୧ରେ ଏକ ବୋମା ଥିବା ଧମକ ମିଳିଥିଲା। ଏହାପରେ ଲଣ୍ଡନ ଷ୍ଟେନଷ୍ଟେଡ ବିମାନ ବନ୍ଦରରେ ବିମାନକୁ ଜରୁରୀ ଅବତରଣ କରାଯାଇଛି। ଏହି ବିମାନ ମୁମ୍ବଇରୁ ଆମେରିକାର ନ୍ୟୁୟର୍କକୁ ଯାତ୍ରା କରୁଥିଲା। ବ୍ରିଟେନ ଯୁଦ୍ଧ ବିମାନ ଏୟାର ଇଣ୍ଡିଆର ଏକ ଯାତ୍ରୀବାହୀ ବିମାନକୁ ସୁରକ୍ଷା ପ୍ରଦାନ କରି ଜରୁରୀ କାଳୀନ ଅବତରଣରେ ସହଯୋଗ କରିଥିବା ବ୍ରିଟେନ ପ୍ରତିରକ୍ଷା ମନ୍ତ୍ରାଳୟ ପ୍ରକାଶ କରିଛି। ବିମାନ ବନ୍ଦର ପକ୍ଷରୁ କୁହାଯାଇଛି ଯେ ଏୟାର ଇଣ୍ଡିଆର ବୋଇଙ୍ଗ ୭୭୭ ବିମାନ ସୁରକ୍ଷିତ ଭାବେ ଜରୁରୀ କାଳନୀ ଅବତରଣ କରିଛି। ଏବେ ରନୱେରେ ଅନ୍ୟ ବିମାନଗୁଡ଼ିକର ଉଡ଼ାଣ ଓ ଅବତରଣ ସ୍ୱାଭାବିକ ଭାବେ ଚାଲିଛି। ଧମକ ନେଇ ଅଧିକ ତଦନ୍ତ ଜାରି ରହିଛି।
Comments are closed.