ନୂଆଦିଲ୍ଲୀ : ପୂର୍ବରୁ ଆଧାର କାର୍ଡ ହଜିଗଲେ ପୁନଃ ପାଇବା ପାଇଁ ଆଧାରକାର୍ଡରେ ପଞ୍ଜିକୃତ ହୋଇଥିବା ନମ୍ବରର ଆବଶ୍ୟକତା ହୋଇଥାଏ। କିନ୍ତୁ, ଏବେ ଆଧାରକାର୍ଡ ହଜିଗଲେ ପଞ୍ଜିକୃତ ମୋବାଇଲ ନମ୍ବର ବିନା ମଧ୍ୟ ଆଧାର କାର୍ଡ ପାଇପାରିବେ।
ଭାରତର ୟୁନିକ୍ ଆଇଡେଣ୍ଟିଫିକେସନ୍ ଅଥରିଟି ଅର୍ଥାତ୍ (UIDA) ଗତ ବର୍ଷ ଆଧାର ସମ୍ବନ୍ଧୀୟ ନିୟମକୁ ବଦଳାଇ ଥିଲେ । ନୂତନ ନିୟମ ଅନୁଯାୟୀ, ନୂତନ ଆଧାରକାର୍ଡ ପାଇଁ ଆପଣଙ୍କୁ ନିର୍ଦ୍ଧାରିତ ମୂଲ୍ୟ ଦେବାକୁ ପଡିବ । ତେବେ ଆସନ୍ତୁ ଜାଣିବା କିପରି ମୋବାଇଲ ନମ୍ବର ବିନା ଆଧାରକାର୍ଡ ପାଇପାରିବା ।
୧- ସର୍ବପ୍ରଥମେ ଆପଣଙ୍କୁ ଆଧାରର ଅଫିସିଆଲ୍ ସାଇଟ୍ www.uidai.gov.in କୁ ଯିବାକୁ ପଡିବ ।
୨- ବର୍ତ୍ତମାନ ମୋ ଆଧାର ଟ୍ୟାବ୍ ଆପଣଙ୍କ ସ୍କ୍ରିନରେ ଖୋଲିବ । ଏହାପରେ ଆପଣ ଆଧାର ପ୍ରିଣ୍ଟ୍ ଅପ୍ସନ୍ ଉପରେ ଟ୍ୟାପ୍ କରବେ ।
୩- ଏଠାରେ ଆପଣଙ୍କୁ ଆପଣଙ୍କର ୧୨ ଅଙ୍କ ବିଶିଷ୍ଟ ଆଧାର ନମ୍ବର କିମ୍ବା ୧୬ ଅଙ୍କ ବିଶିଷ୍ଟ ଭର୍ଚୁଆଲ୍ ଆଇଡେଣ୍ଟିଫିକେସନ୍ ନମ୍ବର ପ୍ରବେଶ କରିବାକୁ ପଡିବ।
୪- ଏହାପରେ ଆପଣଙ୍କୁ ଦିଆଯାଇଥିବା ସୁରକ୍ଷା କୋଡକୁ ପ୍ରବେଶ କରିବାକୁ ପଡିବ । ତଳେ ଥିବା ବାକ୍ସରେ ମୋବାଇଲ୍ ନମ୍ବର ଆଧାରରେ ପଞ୍ଜିକୃତ ହୋଇନାହିଁ ବିକଳ୍ପ ବାଛିବେ । ପରେ ଦ୍ୱିତୀୟ ନମ୍ବର ପ୍ରବେଶ କରିବାକୁ ବିକଳ୍ପ ଆସିବ ।
୫-ଦ୍ବିତୀୟ ନମ୍ବର ପଞ୍ଜୀକୃତ କଲାପରେ ଓଟିପି ଆସିବ। ଏହାପରେ ଯାଞ୍ଚ ପ୍ରକ୍ରିୟା ସମାପ୍ତ ହେବ । ଏହାପରେ ଆପଣକୁ ଧାର୍ଯ୍ୟ ରଖାଯାଇଥିବା ମୂଲ୍ୟ ଦେବାକୁ ପଡ଼ିବ।
୬- ଦେୟ ଦେଲାପରେ ଏକ ରସିଦ ସୃଷ୍ଟି ହେବ ଏବଂ ଏହା ପରେ ଆପଣ ଆପଣଙ୍କର ଆଧାର କାର୍ଡକୁ ପିଡିଏଫ ମଧ୍ୟମରେ ଡାଉନଲୋଡ କରିବାସହ ମୁଦ୍ରଣ କରିପାରିବେ।
