ଅନୁଗୁଳ: ତାଳଚେର-କଣିହାଁ ରାସ୍ତାରେ ଏନଟିପିସି ଲେବୁକ୍ରଶିଙ୍ଗ୍ ନିକଟରେ ଟ୍ରକ ପଛରେ ଏକ ବଲୋର ପିଟି ହୋଇଛି । ଫଳରେ ଘଟଣାସ୍ଥଳରେ ଜଣେ ମୃତ୍ୟୁ ଘଟିଥିବା ବେଳେ ୩ ଜଣ ଗୁରୁତର ହୋଇଛନ୍ତି । ସେମାନଙ୍କୁ କଣିହାଁ ମେଡିକାଲରେ ଭର୍ତ୍ତି କରାଯାଇଛି । ମୃତକ ଜଣକ ହେଲେ କଣିହାଁ ଥାନା ଜୁରାଡଙ୍ଗା ଗାଁର ଟୁନା ସାହୁ (୩୨) ।
ଅନ୍ୟ ପକ୍ଷରେ ଅନୁଗୁଳ-ଛେଣ୍ଡିପଦା ରାସ୍ତାରେ କୋଶଳା ଗାଁରେ ସେହିଭଳି ଅନ୍ୟ ଏକ ଦୁର୍ଘଟଣା ଘଟିଛି । ଏକ ଟ୍ରକ ପଛରେ କାର ଧକ୍କା ହେବା ଫଳରେ ୨ଜଣ ଗୁରୁତର ହୋଇଛନ୍ତି । ସେମାନଙ୍କୁ ପ୍ରଥମେ ଅନୁଗୁଳ ମେଡିକାଲରେ ଭର୍ତ୍ତି କରାଯାଇଥିଲା। ଅବସ୍ଥା ଗୁରୁତର ଥିବାରୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ପୁଲିସ ପହଞ୍ଚି ଗାଡ଼ି ଜବତ କରି ତଦନ୍ତ ଚଳାଇଛି।
