କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ସଦର ପଞ୍ଚାୟତର ଲତାଗୁଡା ଗାଁ ନିକଟରେ ଟ୍ରାକ୍ଟର ଧକ୍କାରେ ଛାତ୍ରୀ ଗୁରୁତର ହୋଇ ଚିକିତ୍ସାଳୟରେ ଚିକିତ୍ସିତ ହେଉଥିବା ଦେଖିବାକୁ ମିଳିଛି । ଲତାଗୁଡା ଗାଁର ମୁଗୁରି କର୍ଷିକାଙ୍କ ଝିଅ ସୁନିତା କର୍ଷିକା (୧୪)ସ୍ଥାନୀୟ ସରକାରୀଉଚ୍ଚ ବିଦ୍ୟାଳୟରେ ନବମ ଶ୍ରେଣୀରେ ପାଠ ପଢି ମଧ୍ୟାହ୍ନରେ ସାଇକଲ ଯୋଗେ ଘରକୁ ଫେରୁଥିବା ବେଳେ କଟକିନାଳ ଗଡାଣିରେ ପଛ ପାର୍ଶ୍ୱରୁ ଏକ ବାଲି ବୋଝେଇ ଟ୍ରାକ୍ଟର ଆସି ଛାତ୍ରୀକୁ ଧକ୍କା ଦେଇ ଥିଲା । ଘଟଣା ସ୍ଥଳରେ ଛାତ୍ରୀ ପଡି ଛଟପଟ ହେଉଥିବା ଗ୍ରାମ ବସି ଦେଖି ସଙ୍ଗେ ସଙ୍ଗେ ୧୦୮କୁ ଯୋଗା ଯୋଗ କରିଥିଲେ। ଗାଡି ଉପଲବ୍ଧ ନଥିବା ଜାଣି ଅଗ୍ନିସେବା କେନ୍ଦ୍ରକୁ ଯୋଗା ଯୋଗ କରିଥିଲେ। ଗାଡି ଘଟଣା ସ୍ଥଳରେ ପହଞ୍ଚିବା ବିଳମ୍ବ ହେବାରୁ ଥାନା ଗାଡି ଘଟଣା ସ୍ଥଳରେ ପହଞ୍ଚି ଛାତ୍ରୀକୁ ଉଦ୍ଧାର କରି ସ୍ଥାନୀୟ ସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚାଇ ଥିଲେ । ଏଠାରେ ଡାକ୍ତର ପ୍ରମୋଦ କୁମାର ମିଶ୍ର ପ୍ରାଥମିକ ଚିକିତ୍ସା କରି ଛାତ୍ରୀ ଗୁରୁତର ଆହତ ହୋଇଥିବାରୁ ରାୟଗଡା ମୁଖ୍ୟ ଚିକିତ୍ସାଳୟକୁ ପଠାଇଥିଲେ। ପୁଲିସ ଏସ ଆଇ ରଞ୍ଜନ ନାଗ, ହରି ବନ୍ଧୁ ବେହେରା ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି । ଟ୍ରାକ୍ଟରଟି ପାଲିଗାଁର ବୋଲି ଜଣା ପଡିଛି।
Popular Categories
Previous article
Next article