ପୁରୀ : ପିପିଲି ନିକଟ ପିଢପାଟଣା ଛକରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଛନ୍ତି। ମୃତକ ଦୁଇ ଜଣ ବାପା-ପୁଅ ଅଟନ୍ତି। ପଟ୍ଟନାୟିକିଆ-ଡେଲାଙ୍ଗ ରାସ୍ତାରେ ଏକ ଟ୍ରକ ଛିଡା ହୋଇଥିଲା। ତିନି ଜଣ ବାଇକ ଯୋଗେ ଯାଉଥିବା ବେଳେ ଟ୍ରକ ପଛରେ ପିଟି ହୋଇଯାଇଥିଲେ। ଘଟଣାସ୍ଥଳରେ ବାପ-ପୁଅଙ୍କର ମୃତ୍ୟୁ ହୋଇଯାଇଥିଲା। ଆହତଙ୍କୁ ଉଦ୍ଧାର କରାଯାଇ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି।
ସୂଚନାଯୋଗ୍ୟ ଯେ, ତିନି ଜଣ ବ୍ୟକ୍ତି ମଙ୍ଗଳବାର ରାତିରେ ବାଇକରେ ଡେଲାଙ୍ଗ ଷ୍ଟେସନ ବଜାରରୁ ଘରକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା।
