ରେଙ୍ଗାଲି : ଗୁମଲୋଇ ଝରନପଡାର ଏକ କ୍ରସରରୁ ଚିପ୍ସ୍ ବୋଝେଇ ହାଇୱା କତରବଗା ଦେଇ ଝାରସୁଗୁଡା ଅଭିମୁଖେ ଯାଉଥିବା ବେଳେ ଗତ କାଲି ବିଳମ୍ବିତ ରାତିରେ ଗୁଲାମାଳ ହରିଜନ ପଡା ପାଖରେ ଡ୍ରାଇଭର ଗାଡି ଉପରୁ ନିୟନ୍ତ୍ରଣ ହରାଇଥିଲା । ଫଳରେ ହାଇୱା ରାସ୍ତା କଡରେ ଥିବା ଏକ ବର ଗଛରେ ପିଟି ହୋଇ ଦୁର୍ଘଟଣା ଗ୍ରସ୍ତ ହୋଇଥିଲା । ଦୁର୍ଘଟଣାରେ ହାଇୱା ଡ୍ରାଇଭର ଷ୍ଟିୟରିଂରେ ଚାପି ହୋଇ ଘଟଣା ସ୍ଥଳରେ ମୃତ୍ୟୁ ବରଣ କରିଥିବାର ଦେଖିବାକୁ ମିଳିଛି । ସକାଳୁ ଏସଂକ୍ରାନ୍ତରେ ଖବର ପାଇଲା ପରେ କତରବଗା ପୁଳିସ ଘଟଣା ସ୍ଥଳରେ ପହଞ୍ଚି ରେଙ୍ଗାଲି ଅଗ୍ନିଶମ ବାହିନୀ ସହାୟତାରେ ଡ୍ରାଇଭରର ମୃତ ଦେହକୁ ଉଦ୍ଧାର କରି ପଞ୍ଚନାମା କଲାପରେ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଥିବା ପ୍ରକାଶ । ମୃତ ଡ୍ରାଇଭର ନିମାଇଁ କୋରା ପଶ୍ଚିମବଙ୍ଗର ବାସିନ୍ଦା ବୋଲି ଥାନା ଅଧିକାରୀ ପ୍ରତାପ କୁମାର ରଣା କହିଛନ୍ତି ।
Comments are closed.