ଗୌହାଟି : ଆସାମରେ ବୁଧବାର ସକାଳେ ଏକ ବଡ ଧରଣର ସଡକ ଦୁର୍ଘଟଣା ଘଟିଛି। ଡେରାଗାଓଁରୁ ୪୫ ଜଣ ଯାତ୍ରୀଙ୍କୁ ନେଇ ପିକ୍ନିକ୍ ଯାଉଥିବା ଏକ ବସ୍ ଟ୍ରକ୍ ସହ ଧକ୍କା ହୋଇ ୧୪ ଜଣଙ୍କ ମୃତ୍ୟୁ ହୋଇଥିବା ବେଳେ ୨୭ ଜଣ ଗୁରୁତର ଆହତ ହୋଇଛନ୍ତି।
ପୁଲିସ ଠାରୁ ମିଳିଥିବା ସୂଚନାନୁଯାୟୀ, ବସ୍ରେ ଯାତ୍ରା କରୁଥିବା ଯାତ୍ରୀ ପିକ୍ନିକ୍ କରିବା ପାଇଁ ଅଠଖେଲିୟାରୁ ବଲିଜାନ ଅଭିମୁଖେ ଯାଉଥିଲେ। ରାସ୍ତାରେ ଏହି ବସ୍ଟି ଟ୍ରକ ସହ ଧକ୍କା ହୋଇଥିଲା। ବସ୍ଟି ଭୋର ୩ଟାରୁ ଯାତ୍ରା ଆରମ୍ଭ କରିଥିଲା। ରାସ୍ତାରେ କୋଇଲା ଭର୍ତ୍ତି ଟ୍ରକ ସହ ଧକ୍କା ହୋଇଥିଲା। ଦୁର୍ଘଟଣା ବିଷୟରେ ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚି ମୃତାହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ। ଦୁର୍ଘଟଣାର କାରଣ ଅସ୍ପଷ୍ଟ ରହିଥିବା ବେଳେ ପୁଲିସ ଘଟଣାର ତଦନ୍ତ ଜାରି ରଖିଛି।
Comments are closed.