ଆନନ୍ଦପୁର: ୨୦ ନମ୍ବର ଜାତୀୟ ରାଜପଥ କୋଲିମାଟି ଠାରେ ଟ୍ରକ ଚଢ଼ିଯିବାରୁ ଘଟଣା ସ୍ଥଳରେ ଦୁଇ ବାଇକ ଆରୋହୀଙ୍କ ମୃତ୍ୟୁ ଘଟିଛି । ଘଟଗାଁରୁ ଦ୍ରୁତ ଗତିରେ ଆସୁଥିବା ଦୁଇ ବାଇକ ଆରୋହୀ ଭାରସାମ୍ୟ ହରାଇ ଉଭୟେ ରାସ୍ତା ଉପରେ ଖସିପଡ଼ିଥିଲେ । ପଛରୁ ଆସୁଥିବା ଟ୍ରକ ନିୟନ୍ତ୍ରଣ ହରାଇ ତାଙ୍କ ମୁଣ୍ଡରେ ଚଢି ଘଟଣା ସ୍ଥଳରୁ ଫେରାର ହୋଇଯାଇଥିଲା । ଟ୍ରକ ଚକା ତଳେ ଚାପି ହୋଇ ୨ ବାଇକ ଆରୋହୀଙ୍କର ମୁଣ୍ଡ ଚାପି ହୋଇ ଯାଇଥିବାରୁ ସେମାନଙ୍କ ପରିଚୟ ମିଳିପାରିନାହିଁ ।
ଘସିପୁରା ପୁଲିସ ଉଭୟଙ୍କ ମୃତ ଶରୀରକୁ ରୋଗୀଯାନ ସହାୟତାରେ ଆନନ୍ଦପୁର ମୁଖ୍ୟ ଚିକିତ୍ସାଳୟରେ ପହଞ୍ଚାଇଥିଲା। ଖବର ଲେଖା ହେବା ପର୍ଯ୍ୟନ୍ତ ଉଭୟ ବାଇକ ଆରୋହୀଙ୍କ ପରିଚୟ ମିଳିପାରି ନାହିଁ ।
Comments are closed.