ଲକ୍ଷ୍ନୌ: ୨୯ମାସର ଶାସନ ପରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବୁଧବାର ମନ୍ତ୍ରିମଣ୍ଡଳ ସମ୍ପ୍ରସାରଣ କରିଛନ୍ତି। ଏହି ଅବସରରେ ସେ ମନ୍ତ୍ରିମଣ୍ଡଳରେ ୨୩ ମନ୍ତ୍ରୀଙ୍କୁ ସାମିଲ କରିଛନ୍ତି। ସେମାନଙ୍କ ମଧ୍ୟରେ ୧୮ ନୂଆ ମୁହଁଙ୍କୁ ମନ୍ତ୍ରୀ ପଦ ମିଳିଛି। ଫଳରେ ଯୋଗୀଙ୍କ ମନ୍ତ୍ରିମଣ୍ଡଳରେ ମନ୍ତ୍ରୀଙ୍କ ସଂଖ୍ୟା ଏବେ ୫୬ରେ ପହଞ୍ଚିଛି। ମନ୍ତ୍ରିମଣ୍ଡଳରେ ସର୍ବାଧିକ ୬୦ ମନ୍ତ୍ରୀ ରହିପାରିବେ। ଲକ୍ଷ୍ନୌସ୍ଥିତ ରାଜଭବନର ଗାନ୍ଧୀ ଅଡିଟୋରିମରେ ନୂଆ ମନ୍ତ୍ରୀମାନେ ଶପଥ ଗ୍ରହଣ କରିଛନ୍ତି। ରାଜ୍ୟପାଳ ଆନନ୍ଦିବେନ ପଟେଲ ସେମାନଙ୍କୁ ପଦ ଓ ଗୋପନୀୟତାର ସହ ଶପଥପାଠ କରାଇଥିଲେ। ମନ୍ତ୍ରିମଣ୍ଡଳ ସମ୍ପ୍ରସାରଣ ପୂର୍ବରୁ ଯୋଗୀଙ୍କ କ୍ୟାବିନେଟରୁ ୫ ଜଣ ମନ୍ତ୍ରୀ ଇସ୍ତଫା ଦେଇଥିଲେ। ମଙ୍ଗଳବାର ରାତିରେ ସେମାନଙ୍କ ଇସ୍ତଫାପତ୍ର ଗ୍ରହଣ କରାଯାଇଥିଲା। ଇସ୍ତଫା ଦେଇଥିବା ମନ୍ତ୍ରୀମାନଙ୍କ ମଧ୍ୟରେ ରାଜ୍ୟ ବିଜେପି ମୁଖ୍ୟ ସ୍ବତନ୍ତ୍ରଦେବ ସିଂହ ଏବଂ ଅର୍ଥମନ୍ତ୍ରୀ ରାଜେଶ ଅଗ୍ରୱାଲ ରହିଛନ୍ତି।
ଯୋଗୀ ଆଦିତ୍ୟନାଥଙ୍କ ମନ୍ତ୍ରିମଣ୍ଡଳ ସମ୍ପ୍ରସାରଣ; ୨୩ ମନ୍ତ୍ରୀ ସାମିଲ, ୧୮ ନୂଆ ମୁହଁ
Popular Categories
Previous article
Next article