ଉତ୍ତରକାଶୀ: ଉତ୍ତରାଖଣ୍ଡର ଉତ୍ତରକାଶୀରେ ବାଦଲଫଟା ବର୍ଷା ଯୋଗୁ ବନ୍ୟା ସୃଷ୍ଟି ହୋଇଛି। ଏଥିରେ ୨୩ରୁ ଅଧିକ ଲୋକଙ୍କ ମୃତ୍ୟୁ ଘଟିଥିବାବେଳେ ଅନେକ ନିଖୋଜ ଅଛନ୍ତି। ଏପରି ସ୍ଥିତିରେ ବୁଧବାର ଏଠାରେ ପୁଣି ଏକ ଅଘଟଣ ଘଟିଛି। ବନ୍ୟା ପୀଡ଼ିତଙ୍କ ପାଇଁ ରିଲିଫ ସାମଗ୍ରୀ ନେଇଯାଉଥିବା ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ସେଥିରେ ଜଣେ ପାଇଲଟ, ଜଣେ କୋ-ପାଇଲଟ ଏବଂ ଜଣେ ଯବାନ ଥିଲେ। ଦୁର୍ଘଟଣାରେ ସମ୍ପୃକ୍ତ ୩ ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି।
ବୁଧବାର ହେଲିକପ୍ଟରଟି ଉତ୍ତରକାଶୀ ଜିଲାର ଆରାକୋଟ ଅନ୍ତର୍ଗତ ମୋରି ଗ୍ରାମରୁ ମୋଲଦି ଗ୍ରାମକୁ ଯାଉଥିବାବେଳେ ବାଟରେ ବିଦ୍ୟୁତ ତାରରେ ଛନ୍ଦି ହୋଇଯାଇଥିଲା। ଫଳରେ ହେଲିକପ୍ଟରଟି ସେହିଠାରେ ଭାରସାମ୍ୟ ହରାଇ ପାହାଡ଼ରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଥିଲା। ଦିନ ପ୍ରାୟ ୧୨ଟା ୧୫ ମିନିଟରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି।
