ଇସଲାମାବାଦ : ଭାରତ ସରକାରଙ୍କ ଦ୍ୱାରା ଧାରା ୩୭୦ ଉଚ୍ଛେଦର ଦିନକ ପରେ ବୁଧବାର ପାକିସ୍ତାନର ରାଜଧାନୀ ଇସଲାମାବାଦର ବିଭିନ୍ନ ସ୍ଥାନରେ ଶିବସେନା ସାଂସଦ ସଂଜୟ ରାଉତଙ୍କ ରାଜ୍ୟସଭା ଭାଷଣ ‘ଅଖଣ୍ଡ ଭାରତ’ର ପୋଷ୍ଟର ଲଗାଯାଇଛି। ଏହାକୁ ନେଇ ଇସଲାମାବାଦ ପୁଲିସ ଅଜଣା ଲୋକଙ୍କ ବିରୋଧରେ ମାମଲା ରୁଜୁ କରିଛି। ଏହାବାଦ ଜିଲା ପ୍ରଶାସନ ନଗର ନିଗମକୁ ନୋଟିସ ଜାରି କରି ପୋଷ୍ଟର ହଟାଇବାକୁ କାହିଁକି ୫ ଘଣ୍ଟା ଲାଗିଲା ତାହା ୨୪ ଘଣ୍ଟା ମଧ୍ୟରେ ଜଣାଇବାକୁ କହିଛି। ଜଣେ ପୁଲିସ୍ ଅଧିକାରୀ କହିଛନ୍ତି ଯେ ଏଭଳି ପୋଷ୍ଟର ତାଙ୍କ ଥାନା ଅଞ୍ଚଳ ସମତେ ଅନ୍ୟ ଅଞ୍ଚଳରେ ଲଗାଯାଇଛି।
ଉଲ୍ଲେଖଯୋଗ୍ୟ ଯେ ଜାମ୍ମୁ କାଶ୍ମୀର ପୁନର୍ଗଠନ ବିଧେୟକ ଏବଂ ଧାରା ୩୭୦ ଉଚ୍ଛେଦ ସଂକଳ୍ପ ପ୍ରସ୍ତାବ ସୋମବାର ରାଜ୍ୟସଭାରେ ଆଗତ ହୋଇଥିଲା। ଏହା ଉପରେ ବିତର୍କ ବେଳେ ଶିବସେନା ସାଂସଦ ସଂଜୟ ରାଉତ କହିଥିଲେ ଯେ ଆଜି କାଶ୍ମୀର ନେଇଛୁ, କାଲି ବାଲୁଚିସ୍ତାନ ଏବଂ ପାକିସ୍ତାନ ଅଧିକୃତ କାଶ୍ମୀର (ପିଓକେ) ନେବୁ। ମୋର ବିଶ୍ୱାସ ଅଛି ଦେଶର ପ୍ରଧାନମନ୍ତ୍ରୀ ଅଖଣ୍ଡ ଭାରତର ସ୍ୱପ୍ନ ପୂରା କରିବେ। ସଂଜୟ ରାଉତଙ୍କ ଏହି ଭାଷଣର ପୋଷ୍ଟର ଇସଲାମାବାଦରେ ଲଗାଯାଇଛି। ଏହି ଘଟଣାରେ ଇସଲାମାବାଦ ପୁଲିସ୍ ୩ ଜଣଙ୍କୁ ଅଟକ ରଖିଛି। ଏପରିକି ପାକିସ୍ତାନର ଗୁଇନ୍ଦା ସଂସ୍ଥା ଆଇଏସଆଇର ମୁଖ୍ୟାଳୟ ନିକଟରେ ଏହି ପୋଷ୍ଟର ଲଗାଯାଇଥିବା ସୂଚନା ମିଳିଛି। ଏହାକୁ ପାକିସ୍ତାନ ସରକାର ଗୁରୁତର ସହ ନେଇଛନ୍ତି।
Comments are closed.