ପ୍ରାୟତଃ ରେଷ୍ଟୁରାଣ୍ଟରେ ଖାଦ୍ୟ ଖାଇ ସାରିବା ପରେ ମିଶ୍ରୀ ଓ ପାନମହୁରୀ/ପାନମଧୁରୀ ଖାଇବାକୁ ଦିଆଯାଏ । ଏହି ଦୁଇଟିକୁ ମାଉଥ୍ ଫ୍ରେଶନର ଭାବେ ବ୍ୟବହାର କରାଯାଏ । ମିଶ୍ରୀ ଶରୀରକୁ ଅନେକ ସୁଫଳ ଦେଇଥାଏ । ନିୟମିତ ଖାଦ୍ୟ ତାଲିକାରେ ମିଶ୍ରୀ ସାମିଲ କରିବା ଉଚିତ୍ । ତେବେ ଆସନ୍ତୁ ଜାଣିବା ମିଶ୍ରୀର ଔଷଧୀୟ ଗୁଣ ବିଷୟରେ….
ଥଣ୍ଡା-କାଶ: ବର୍ଷା ଋତୁରେ ବିଭିନ୍ନ ରୋଗ ହେବାର ଆଶଙ୍କା ରହିଥାଏ । ଏହି ସମୟରେ ଥଣ୍ଡା ଓ କାଶ ହେବା ସାଧାରଣ କଥା । ଏହି ସମସ୍ୟାରୁ ମୁକ୍ତି ପାଇବା ପାଇଁ ମିଶ୍ରୀକୁ ପେସି ପାଉଡର ପ୍ରସ୍ତୁତ କରନ୍ତୁ । ସେଥିରେ ଗୋଲ ମରିଚ ପାଉଡର ଓ ଘିଅ ମିଶାଇ ରାତିରେ ଶୋଇବା ପୂର୍ବରୁ ସେବନ କରନ୍ତୁ । ଏତତ୍ ବ୍ୟତୀତ ମିଶ୍ରୀ ପାଉଡର ଓ ଗୋଲ ମରିଚ ପାଉଡରକୁ ନଖ ଉଷୁମ ପାଣିରେ ମଧ୍ୟ ସେବନ କରି ପାରିବେ ।
ହିମୋଗ୍ଲୋବିନ ସ୍ତରକୁ ନିୟନ୍ତ୍ରିତ ରଖେ: ଶରୀରରେ ହିମୋଗ୍ଲୋବିନ ସ୍ତର କମ୍ ହେବା ଦ୍ବାରା ରକ୍ତ ଅଭାବ ଦେଖା ଯାଇଥାଏ । କୌଣସି କଠିନ କାର୍ଯ୍ୟ ନ କରିବା ସତ୍ତ୍ବେ ଥକ୍କାପଣ ଅନୁଭବ ହୋଇଥାଏ । ମୁଣ୍ଡ ବୁଲାଇବା ସହ କେତେକ ଲୋକଙ୍କ ରଙ୍ଗ ଛେତା ପଡି ଯାଇଥାଏ । ମିଶ୍ରୀରେ ଏହି ସମସ୍ତ ସମସ୍ୟାର ସମାଧନ ରହିଛି । ନିୟମିତ ମିଶ୍ରୀ ସେବନ କରିବା ଦ୍ବାରା ଶରୀରରେ ହିମୋଗ୍ଲୋବିନ ସ୍ତର ବୃଦ୍ଧି ହୋଇଥାଏ । ଏହା ରକ୍ତସଞ୍ଚାଳନ ସଠିକ୍ ରହିଥାଏ ।
ହଜମ ପ୍ରକ୍ରିୟା ସଠିକ ରୁହେ: ମିଶ୍ରୀ ସହ ପାନମହୁରୀ/ପାନମଧୁରୀ ସେବନ କରିବା ଦ୍ବାରା ହଜମ ପ୍ରକ୍ରିୟା ସଠିକ ରହିଥାଏ । ଖାଦ୍ୟ ଶୀଘ୍ର ହଜମ ହୋଇଥାଏ । ସେଥିପାଇଁ ଖାଦ୍ୟ ଗ୍ରହଣ ପରେ ମିଶ୍ରୀ ଅବଶ୍ୟ ଖାଆନ୍ତୁ ।
ଶକ୍ତି ଅଭିର୍ଦ୍ଧକ: ମିଶ୍ରୀ ପାଟିକୁ ମିଠା ଲାଗିବା ସହ ଏହା ଶରୀରକୁ ଶକ୍ତି ପ୍ରଦାନ କରିଥାଏ । ପାନମହୁରୀ/ପାନମଧୁରୀ ସହ ମିଶ୍ରୀ ସେବନ କରିବା ଦ୍ବାରା ଶରୀରକୁ ସତେଚ ଅନୁଭବ ହେବା ସହ ଶରୀରକୁ ଶକ୍ତି ମିଳିଥାଏ ।
ନାକରୁ ରକ୍ତ ବାହାରିବା ସମସ୍ୟା: କେତେକ ଲୋକଙ୍କ ନାକରୁ ରକ୍ତ ବାହାରିଥାଏ । ମିଶ୍ରୀ ଏଭଳି ସମସ୍ୟାରୁ ତୁରନ୍ତ ଉପଶମ ଦେଇଥାଏ । ଖରା ଦିନରେ ଏଭଳି ସମସ୍ୟା ଦେଖିବାକୁ ମିଳିଥାଏ ।
