ଚଳିତ ବର୍ଷ ଦେଶରେ ନିର୍ମାଣ ହେବ ୨୦ ହଜାର ଜନ ଆରୋଗ୍ୟ କେନ୍ଦ୍ର : ହର୍ଷବର୍ଦ୍ଧନ

ହାଇଦରାବାଦ : ଆୟୁଷ୍ମାନ ଭାରତ କାର୍ଯ୍ୟକ୍ରମ ଅଧୀନରେ ଚଳିତ ବର୍ଷ ଶେଷ ସୁଦ୍ଧା ଦେଶରେ ୨୦ ହଜାର ଜନ ଆରୋଗ୍ୟ କେନ୍ଦ୍ରର ନିର୍ମାଣ କାର୍ଯ୍ୟ ଶେଷ କରାଯିବ। ଶନିବାର ହାଇଦ୍ରାବାଦଠାରେ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼କ୍ଟର ହର୍ଷବର୍ଦ୍ଧନ କହିଛନ୍ତି, ଏହି କାର୍ଯ୍ୟକ୍ରମ ଅଧୀନରେ ଏକ ଲକ୍ଷ ୫୦ ହଜାର ଜନ ଆରୋଗ୍ୟ କେନ୍ଦ୍ର ସ୍ଥାପନ କରାଯିବ । ସିଏସଆଇଆର ଲାବୋରେଟୋରିର ବୈଜ୍ଞାନିକମାନଙ୍କୁ ଉଦ୍‍ବୋଧନ ଦେଇ ଡ଼କ୍ଟର ହର୍ଷବର୍ଦ୍ଧନ କହିଛନ୍ତି ସାର୍ବଜନୀନ ସ୍ୱାସ୍ଥ୍ୟସେବା ଯୋଗାଇଦେବା କ୍ଷେତ୍ରରେ ଆୟୁଷ୍ମାନ ଭାରତ ହେଉଛି ଏକ ସଫଳ କାର୍ଯକ୍ରମ । ବୈଜ୍ଞାନିକମାନେ କ୍ୱଚିତ ଦେଖାଯାଉଥିବା ତଥା ବଂଶଗତ ରୋଗର ଚିକିତ୍ସା ପାଇଁ ନୂତନ ଆବିଷ୍କାର କରି ଲୋକଙ୍କ ଦୁର୍ଦ୍ଦଶା ଦୂର କରିବାକୁ ସେ ଆହ୍ୱାନ ଦେଇଥିଲେ। ସରକାର ୨୦୨୫ ମସିହା ସୁଦ୍ଧା ଦେଶକୁ ଯକ୍ଷ୍ମାମୁକ୍ତ କରିବାକୁ ଲକ୍ଷ୍ୟ ରଖିଥିବା ଡ଼କ୍ଟର ହର୍ଷବର୍ଦ୍ଧନ କହିଛନ୍ତି।