ଯୁକ୍ତ ଦୁଇ ଦ୍ବିତୀୟ ପର୍ଯ୍ୟାୟ କଟ୍ଅଫ ମାର୍କ : ବିଜ୍ଞାନରେ ରେଭେନ୍ସା, କଳାରେ ବିଜେବି ଆଗରେ

ଭୁବନେଶ୍ବର : ଯୁକ୍ତ ଦୁଇ ଦ୍ବିତୀୟ ବର୍ଷ ନାମଲେଖା ପାଇଁ ଶନିବାର ଅପରାହ୍ଣରେ ଦ୍ବିତୀୟ ପର୍ୟ୍ୟାୟ କର୍ଟଅଫ ମାର୍କ ପ୍ରକାଶ ପାଇଛି। ଯୁକ୍ତ ଦୁଇ କଳା, ବିଜ୍ଞାନ, ବାଣିଜ୍ୟ ପାଇଁ ଦ୍ବିତୀୟ ପର୍ୟ୍ୟାୟ କଟ୍ ଅଫ୍ ମାର୍କ ପ୍ରକାଶ ପାଇଛି। ଯୋଗ୍ୟ ବିବେଚିତ ବିଦ୍ୟାର୍ଥୀ ଜୁଲାଇ ୧୫ରୁ ୧୭ ତାରିଖ ମଧ୍ୟରେ ଦ୍ବିତୀୟ ପର୍ୟ୍ୟାୟରେ ନାମଲେଖାଇ ପାରିବେ। ବିଜ୍ଞାନରେ ରେଭେନ୍ସା କନିଷ୍ଠ ମହାବିଦ୍ୟାଳୟର ସର୍ବାଧିକ ୮୯.୨ ପ୍ରତିଶତ ସହିତ ଆଗରେ ରହିଥିବାବେଳେ ୮୭.୬୭ ପ୍ରତିଶତ ସହ ବିଜେବି ଦ୍ବିତୀୟ, ବ୍ରହ୍ମପୁର ସରସ୍ବତୀ ବିଦ୍ୟାମନ୍ଦିର ଜୁନିଅର କଲେଜ ୮୭.୧୭ ପ୍ରତିଶତ ସହ ତୃତୀୟ ସ୍ଥାନରେ ରହିଛି।
କଳା ପାଠ୍ୟକ୍ରମରେ ବିଜେବି କନିଷ୍ଠ ମହାବିଦ୍ୟାଳୟର ଦ୍ବିତୀୟ କଟ୍ଅଫ୍ ମାର୍କ ଚଳିତ ବର୍ଷ ସର୍ବାଧିକ ୭୦.୪ ପ୍ରତିଶତ, ୭୦ପ୍ରତିଶତ ସହ ରେଭେନ୍ସା କନିଷ୍ଠ ମହାବିଦ୍ୟାଳୟର ଦ୍ବିତୀୟ ଓ ନରସିଂହପୁର ଜୁନିଅର କଲେଜ ୬୮.୧୭ ପ୍ରତିଶତ ସହ ତୃତୀୟ ସ୍ଥାନରେ ରହିଛି।
ବାଣିଜ୍ୟରେ ତାଳଚେର ଜୁନିଅର କଲେଜ ୭୫.୮୩ ପ୍ରତିଶତ ସହ ଆଗରେ ରହିଥିଲାବେଳେ ରେଭନ୍ସୋ ହାୟର ସେକେଣ୍ଡାରୀ ସ୍କୁଲ ୭୫.୫ ପ୍ରତିଶତ ସହ ଦ୍ବିତୀୟ, ଶୈଳବାଳା କଲେଜ ୭୪.୪ପ୍ରତିଶତ ସହ ତୃତୀୟ ସ୍ଥାନରେ ରହିଛି।