ସାଧାରଣତଃ ଆମେ ଜାଣନ୍ତି ଚାଉଳ ଆମ ଖାଦ୍ୟରେ ବ୍ୟବହୃତ ହେବା ସହ ପୂଜାର୍ଚ୍ଚନାରେ ମଧ୍ୟ ଆବଶ୍ୟକ ପଡ଼ିଥାଏ। ହେଲେ ଏହା ହୁଏତ କମ୍ ଲୋକ ଜାଣିଥିବେ ଯେ, ଆମର ଅନେକ ସଙ୍କଟ ତଥା ସମସ୍ୟା ଦୂର କରିବାରେ ମଧ୍ୟ ଚାଉଳ ବିଶେଷ ଭୂମିକା ଗ୍ରହଣ କରିଥାଏ। ପୂଜାପାଠରେ ଚାଉଳ ତଥା ଅକ୍ଷତ ନିହାତି ରଖାଯାଇଥାଏ। ବିନା ଅକ୍ଷତରେ କୌଣସି ପୂଜା ହୋଇପାରେ ନାହିଁ। ତେବେ ପୂଜାରେ ବ୍ୟବହୃତ ଏହି ଚାଉଳ ବା ଅକ୍ଷତର ସଠିକ୍ ଉପଯୋଗରେ ଆମେ ବିଭିନ୍ନ ସମସ୍ୟାରୁ ମୁକ୍ତି ପାଇପାରିବା। ଜ୍ୟୋତିଷ ଶାସ୍ତ୍ର ଅନୁସାରେ, ଅକ୍ଷତର ଉପଯୋଗରେ ବ୍ୟକ୍ତିର ଭାଗ୍ୟ ମଧ୍ୟ ପରିବର୍ତ୍ତନ ହୋଇପାରେ। ଆସନ୍ତୁ ଜାଣିବା ଚାଉଳର ଉପଯୋଗରେ କିପରି ଆମ ସମସ୍ୟାକୁ ଏଡ଼ାଇ ପାରିବା –
ଜ୍ୟୋତିଷ ଶାସ୍ତ୍ର ଅନୁସାରେ, ପୂଜା କରିବା ସମୟରେ ଆପଣଙ୍କ ଇଷ୍ଟ ଦେବାଦେବୀଙ୍କୁ କେବଳ ୫ଟି ଦାନା ଚାଉଳ ଅର୍ପଣ କରନ୍ତୁ। ଅକ୍ଷତ ଅର୍ପଣ କରିବା ବେଳେ ଆପଣଙ୍କ ସମସ୍ୟା ସମ୍ପର୍କରେ ଇଷ୍ଟଙ୍କୁ ଜଣାନ୍ତୁ। ଏହାସହିତ ଆପଣଙ୍କ କାମନା ମଧ୍ୟ ତାଙ୍କ ନିକଟରେ ପ୍ରକାଶ କରନ୍ତୁ। ଏହାଦ୍ବାରା ଆପଣଙ୍କ ସମସ୍ୟା ଦୂର ହେବା ସହ ମନସ୍କାମନା ମଧ୍ୟ ପୂର୍ଣ୍ଣ ହୋଇଥାଏ।
ସେହିପରି ଯଦି ଆପଣ ମାନସିକ ଅଶାନ୍ତି ମଧ୍ୟ ଦେଇ ଗତି କରୁଥାଆନ୍ତି ତେବେ ପୂଜାରେ ନିଶ୍ଚିତ ଅକ୍ଷତ ବ୍ୟବହାର କରନ୍ତୁ। ଦେଖିବେ ଆପଣ ନିଶ୍ଚିତ ଶାନ୍ତି ଅନୁଭବ କରିବେ।
ଚାଉଳ ହେଉଛି ମା’ ଅନ୍ନପୂର୍ଣ୍ଣାଙ୍କ ଅଂଶବିଶେଷ। ତେଣୁ ଯେଉଁ ବ୍ୟକ୍ତି ଭଗବାନଙ୍କୁ ଅକ୍ଷତ ଅର୍ପଣ କରନ୍ତି, ତାଙ୍କ ଘରେ କେବେହେଲେ ଅନ୍ନର ଅଭାବ ହୁଏନାହିଁ। ଜୀବନରେ ନିଶ୍ଚିତ ସୁଖ ଓ ସମୃଦ୍ଧି ଆସେ।
ତେବେ ଠାକୁରଙ୍କୁ ଅକ୍ଷତ ଅର୍ପଣ କରିବା ବେଳେ ଏହାକୁ ସର୍ବଦା ଗଙ୍ଗା ପାଣିରେ ଧୋଇ ପରିସ୍କାର କରିବା ପରେ ହିଁ ଅର୍ପଣ କରନ୍ତୁ।
ସୋମବାର ଯଦି ଶିବଙ୍କୁ ମୁଠାଏ ଚାଉଳରେ ଅଭିଷେକ କରନ୍ତି, ତେବେ ଆପଣଙ୍କର ଖୁବ୍ ଉନ୍ନତି ହେବା ସହ ଧନସମ୍ପତ୍ତି ମଧ୍ୟ ବୃଦ୍ଧି ହୋଇଥାଏ।
ତେବେ ଠାକୁରଙ୍କୁ ଚାଉଳ ଅର୍ପଣ କରିବା ବେଳେ ଧ୍ୟାନ ରଖିବେ ଯେ, ସେଥିରେ ଯେପରି ଭଙ୍ଗା ଚାଉଳ ନଥାଏ। ନଚେତ ଗୋଟିଏ ବି ଭଙ୍ଗା ଚାଉଳ ଆପଣଙ୍କ କାମନାରେ ସମସ୍ୟା ସୃଷ୍ଟି କରିପାରେ ତଥା ବିପରୀତ ଫଳ ଦେଇପାରେ।
