କୋଲକାତା: ଅର୍ଥନୀତିଜ୍ଞ ତଥା ନୋବେଲ ବିଜେତା ଅମର୍ତ୍ତ୍ୟ ସେନ କହିଛନ୍ତି, ‘ଜୟ ଶ୍ରୀରାମ’ ସ୍ଲୋଗାନ ଏବେ ପଶ୍ଚିମବଙ୍ଗରେ ବ୍ୟବହୃତ ହେଉଛି, ଏହାର କୋଲକାତା ସଂସ୍କୃତି ସହ କୌଣସି ଅତ୍ମୀୟତା ନାହିଁ। ପଚାଶ ଦଶକରେ ଅର୍ଥନୀତି ବିଭାଗରେ ଅଧ୍ୟାପକ ଭାବେ କାର୍ଯ୍ୟ କରୁଥିବା କୋଲକତାସ୍ଥିତ ଯାଦବପୁର ବିଶ୍ୱବିଦ୍ୟାଳୟରେ ଛାତ୍ରଛାତ୍ରୀଙ୍କ ସହ ଆଲୋଚନାରେ ଭାଗ ନେଇ ଅମର୍ତ୍ତ୍ୟ କହିଛନ୍ତି, ‘ଜୟ ଶ୍ରୀରାମ’ ପୂର୍ବରୁ ବ୍ୟବହୃତ ସେଭଳି ଏକ ଲୋକପ୍ରିୟ ଵାକ୍ୟାଂଶ ନୁହେଁ। ସାମ୍ପ୍ରତିକ ସମୟରେ ଲକଲକତାରେ ଲୋକମାନଙ୍କୁ ବାଡେଇବା ପୂର୍ବରୁ ଏହାକୁ ବ୍ୟବହାର କରାଯାଉଛି।
ଶିକ୍ଷକ ଦକ୍ଷତା ଉପରେ ଅନୁଷ୍ଠିତ ଏକ ସେମିନାରରେ ଯୋଗଦେଇ ପ୍ରଫେସର ସେନ କହିଛନ୍ତି, ଏବେ ରିକ୍ସା ଭଡା କରିବା ଆଗରୁ ରିକ୍ସାବାଲାକୁ ‘ଜୟ ଶ୍ରୀରାମ’ କହିବାକୁ କୁହାଯାଉଛି ନ ହେଲେ ତାକୁ ମାଡ ମରାଯାଉଛି। ନିର୍ବାଚନ ଫଳାଫଳ ଆସିବା ପରେ ଏଭଳି ଘଟଣା ବୃଦ୍ଧି ପାଇଥିବା ସେ କହିଛନ୍ତି। ବିଶେଷ କରି ସଂଖ୍ୟାଲଘୁଙ୍କ କ୍ଷେତ୍ରରେ ଏଭଳି ଘଟଣା ଅଧିକ ବୋଲି ପ୍ରଫେସର ସେନ କହିଛନ୍ତି।
