ବଲାଙ୍ଗୀର : ବଲାଙ୍ଗୀର ଜିଲା ଗୁଡିଭେଳା ବନାଞ୍ଚଳ ଅଧିନସ୍ଥ ସିକେରପାଟ ସଂରକ୍ଷିତ ଜଙ୍ଗଲରୁ ବେଆଇନ ଭାବେ ବାଉଁଶ ଚାଲାଣ ବେଳେ ସୋମବାର ୨ଟି ବାଉଁଶ ବୋଝେଇ ଗାଡ଼ିକୁ ବନ ବିଭାଗ ଜବତ କରିଛି। ରବିବାର ରାତିରେ ଚାଲାଣ ସମୟରେ ବନ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା। ୨ ଜଣ ଡ୍ରାଇଭରଙ୍କ ସମେତ ଚାଲାଣରେ ସମ୍ପୃକ୍ତ ଥିବା ଅଭିଯୋଗରେ ୭ ଜଣଙ୍କୁ ଗିରଫ କରାଯାଇଥିବା ସୂଚନା ମିଳିଛି। ଜବତ ଗାଡ଼ିକୁ ବଲାଙ୍ଗୀର କଦଲିମୁଣ୍ଡା ନର୍ସରୀରେ ରଖାଯାଇଥିବା ବେଳେ ଅଭିଯୁକ୍ତ ମାନଙ୍କୁ ଆଜି କୋର୍ଟ ଚାଲାଣ କରାଯାଇଥିବା ବନ ବିଭାଗ ପକ୍ଷରୁ ସୂଚନା ଦିଆଯାଇଛି।
Comments are closed.